11. majā 17:00 lekceja par latgalīšu izlūksnem
Kai Jius ak jau zynit, pyrmūdīnēs nu 20. apreļa da 15. juņa nu 17:00 da 19:45 LNB Krišjuoņa Barona īlā 14 (312. ustobā, 3. stuovs tīpat trepēs) nūteik latgalīšu volūdys kursi, kū voda Muora i Kristīne.
17:00 latgalīšu volūda īsuociejim, 18:15 pareizraksteibys nūdarbeiba.
Aicynoju vysus, kam ir taida vareiba, atbaļsteit itū iniciativu i īsavuiceit raksteit latgaliski piec īspiejis lobuok.
Kab mes sovā sarakstē lītuotu latgalīšu rokstu volūdu bez klaidu i kab myusu roksti, projekti, relizis nabyutu juoloboj Muorai. 🙂
Krīzis laiks ir deļtuo dūts, kab byutu vaira breiva laika i varātu īsavuiceit lītys, kam cytaiž nabyutu laika. Kruoj zineibys i atbreivoj sovu pruotu, tys piečuok atsamoksuos. 🙂
11. majā 17:00 tīpat LNB 312. ustobā byus itymā šaļtī zynūšuokuos latvīšu dialektologis i izlūkšņu pietneicys, LU FMZ fakultatis Dialektologejis i toponimikys kabineta vadeituojis asoc. prof. Lidejis Leikumys lekceja par latgalīšu izlūksnem.
Ka navari saprast, par kū Tova baba soka tai, a nūsacejumūs raksteits itai. I kas vyspuor tuos par izlūksnem i kur juos likt, itei ir Tova īspieja – izzynuot, pavaicuot, nūskaidruot.
Aicynoju vysus izbreivēt laiku i apgiut raksteibu. Lai tod var ar drūšu sirdi saceit, ka eistyn asam PAR latgalīšu volūdys pastuoveišonu, sasaglobuošonu, atteisteibu. 🙂
Ilze