LgSC vīdūklis par piketu pi NRTVP
Pīktdīņ, 27. februarī, nūtiks pikets par atbolstu latgalīšu medejim pi Nacionaluos radejis i televizejis padūmis (NRTVP). Jū organizej LgSC bīdrs Mareks Gabrišs i bīdreiba “Latgaļu sāta”.
Informaceja par itū temu ir īgiustama škārsteiklā:
diena.lv – Latgalieši protestēs pret vienīgā radioraidījuma slēgšanu
lakuga.lv – Pikets latgalīšu volūdys atbolstam plašsazinis leidzekļūs
reitingi.lv – Atbalstīsim medijus latgaliešu valodā!
la.lv – Par latgaliešu valodu
skatiens.lv
Piketā pīsadola 7 latgalīšu bīdreibys:
bīdreiba „LR”
bīdreiba „Latgalīšu Etnokulturys centrs”
bīdreiba „Latgolys Producentu Grupa”
bīdreiba „Es Latgalei”
bīdreiba „Liepājas Latgaļu kultūras biedrība”
bīdreiba „Latgalīšu volūdys centris”
bīdreiba „Latgales tradicionālās kultūras centrs „Latgaļu sāta””
.
Bīdreiba “Latgolys Studentu centrs” pauž idejisku atbolstu pīktdīņ, 27. februarī, pi NRTVP īcarātajai protesta akcejai, kurys mierkis ir īgiut vaļsts atbolstu latgaliski raidūšūs medeju sataiseišonai idarbībai, tok protesta akcejā kai bīdreiba nadūmoj pīsadaleit.
Pīktdīņ, 20. februarī, bīdreibys prīšksādātuoja Ilze Sperga sajēme bīdreibys bīdra Mareka Gabriša viestuli: aicynuojumu ari LgSC pīsadaleit piketā i izsaceit sovu attīksmi pret nūtīkūšū “Latgolys Radejā” i latgalīšu masu medijūs vyspuor, kai ari – informēt LgSC vaļdi i suokt taiseit plakatus.
Svātdīņ, 24. februarī, tyka sajimts presis relizis i rezolucejis teksts. Piļneibā puorskaitams reitingi.lv.
Ūtartdīņ LgSC vaļde apsasprīde i nūlēme vaicuot bīdreibys bīdru vīdūkli, partū ka LgSC ir apolitiska jaunīšu organizaceja i, kab pījimtu lāmumu par pīsadaliešonu aktivā vīdūkļa pausšonys akcejā, ir vajadzeigs bīdru atbolsts i jūs vīdūkļa nūskaidruošona.
Vīnlaikus vaļde paude sovu īsacejumu: paust atsevišku LgSC vīdūkli, atbolstūt itū kūpumā lobū ideju i turpynojūt jau īprīkš na reizi LgSC izsaceitū dūmu par latgalīšu volūdys aktualitati medejūs i sabīdreibā; piketā napīsadaleit kai organizacejai, a daleibu jimā pamest kotra bīdra individualajai izvēlei, informejūt par taidu īspieju.
Piec gondreiž 50 % bolstīseigūs bīdru atbiļžu sajimšonys catūrtdīņ, 26. februarī, tyka pījimts lāmums, kas atbylst bīdru izsaceitajai gribai:
– publiski atbaļsteit piketa ideju par latgalīšu volūdys lītuojuma aktualitati masu medejūs i napīcīšameibu piec latgalisku medeju;
– napīsadaleit piketā kai organizacejai;
– daleibu piketā pamest kotra bīdra individualajai izvēlei.
Ir sagataveita presis relize, kas pīktdīņ, 27. februarī, tyka nūsyuteita ziņu agenturom i masu medejim.
Juos teksts atrūnams, par pīmāru, ite.
Paļdis vysim bīdrim, kas atsasauce aicynuojumam i izsacēja sovu vīdūkli!
Tys pīruoda, ka bīdreibā dorbojās aktivi cylvāki, kam ir interese par latgalīšu volūdys i latgaliskuos kulturys pastuoveišonu i kas ir gotovi izsaceit sovu vīdūkli i pamatuot jū. Prīca, ka taidu bīdru ir cīši daudz, kai ari bīdri atbolsta bīdreibys vaļdis lāmumus i sekmej juos darbeibu.
Kūpsapuļcis prīškvokorā tys nav moz.
Ljuuti apduumeigs suuls nu LgSt centra ,,,,,,,,,,,,, politikaa [sowys woluudys aizstuoweisho] naleist aciis warturim…… a mosh ka jii piiduowojs uz m,,mulkju,, riekina Latgolys ;iitu ministra portfeli…….
Man ir kauns .
Man ir kauns i man ir lapnums. Man ir kauns par Latgolys Studentu centru i lapnums par tīm deveņim cylvākim- latgalīšim i čiuļim , kas stuņdi leitā i soltumā stuovēja Dūma laukumā pī NRTP ākas i izteica tū kū daudzi dūmoj, kū daudzi izjyut. Man ir lapnums, ka cylvāki cēlās četrūs nū reita, lai laiceigi tyktu Reigā, ka izabreivēja breivu breidi nū ikdīnas dorba.
Dīmžāl LgSC paziņojums : „Latgolys Studentu centrs atbalsta protesta akciju pie NRTVP” myusus nasasiļdēja. http://www.delfi.lv/news/soapbox/soapbox/article.php?id=23357980
Mēs, vairuokas latgalīšu organizacejas, tuos pošys, kas LgSC pyrms goda aicynuoja apsavīnuotīs i izveiduot kūpeigu padūmi – nāvālamīs lātu popularitati voi koč kaidu lobumu. Mēs izteicam tū kū dūmuojam. Mēs patīšam cerējam, ka LgSC pīsabīdruosīs myusu pulkam, mēs cerējam iz studentu jauneibas maksimālismu, iz LgSC bīdru iztureibu, kai nikai Sibirī pī latgalīšim pīdzeivuots i minus 40 gradu sols. Dīmžāl tys tai nabeja. Reikuot piketu nav tys pats, kai sēdēt syltā ustobā i raksteit aiļis. Mēs cerējam iz Reigas latgalīšu atbolstu, a L.Leikumys atteikums , ka Trešuos Zvaigznis latgalīši ir par vacu, byutu pījamams, lai gon Slūkas īla nav tuoļuok kai Dūma laukums. Borowa, kas asūt myužeigi ceļā, līkas ir apzastuojušīs iz vītys, jūs runys veira arguments, ka krīzis laikā nav gudri praseit vaļsts atbolstu latgalīšu medijim ir vairuok nakai smīkleigs.
Nabeja jyusu kūpā ar myuisim. Man atlīk vaicuot , kas jyus esit ? Latgalīšu patrioti, eiropīši, aiļiņīki, diletanti, slovys alkonī, nasekmeigī studenti, voi sevī isaruovušīs vāruotuoji ar saukli: ka tyk kas nanūtyktu? Mēs asam latgalīši, kam sirds dag par mysu tautys i volūdys nuokūtni. Mēs myusu mērču sasnīgšonai asam ar mīru izīt īluos, jyus dīmžāl nā. Man žāl , ka izjamūt Juri Viļumu ņivīns nū jyusu akteivajim bīdrim napaklausēja aicynuojumam „brīvi izvēlēties, atbalstīt ekspresīvu protesta formu”.
Myusu vydā taipat ir i studenti, i aiļiņīki, i školāni, i muzykanti. A jyusu šudiņ nabeja. Par kū ? Atbiļdi Delfu portālā „Nepolitiskā jauniešu biedrība „Latgolys Studentu centrs” snīdz poša : „Latgales Studentu centrs politisku apsvērumu (!!!!) dēļ nav šo biedrību vidū.. .” Kaidi ir jyusu polityskī apsvārumi ? Nū kura laika Da Gunči vadeituo bīdreiba „Latgolys Producentu Grupa” , Uškāna bīdreiba „Latgalīšu Etnokulturys centrs”, voi Bīdreiba „Latgolys tradicionaluos kulturys centrs „Latgaļu sāta”, nimoz narunojūt par Anša bīdreibu „LR” ir politiskys organizacejas? Kurš nū myusim i kaiduos partejos sastuov, i kaidi ir myusu politiskī mērči, kas naatbilst ceistajam LgSC tālam? Par kū jyusu nav tur, kur jyus esit vajadzeigi? Jyusem napateikt Gabrišs, Mjartāns, Bērzeņš, Turlajs, Zeimule?? Tod pasokit myusim tu acīs, navys rokstit garys atrunys peršys Delfūs i citur.
šmuks teksts.
tik LgSC, Trešō Zvaigzne i Borowa MC nareikuoja itū akceju.
deļkuo tod jī ir vaineigi, ka akceja naizadeve?
Akceja izadeve. Mes juos toža nareikovom, bet pīsadalejom, partū ka vāga byut vīnuotim itymā dzelā. I as nagaideju nu tik nalelim dorba i naudyskim īguļdejumim tik lelu rezuļtatu publicitatis i redzīņa plateišonys ziņā.
Pa manim, Daiņs roksta par osu (koč ciļvieceigai jū var saprast). Bet skreinis komentars ap naizadūšonu irā žuļktains i napamatuots. Kai var naredzēt, ka akceja izadeve? Juobyun oklam voi juogrib naredzēt. Akceja izadeve cīši i paruodeja, ka deļ izadūšonys navāga picdesmit cylvāku. Vinkuorši ciļvieceigai žāļ, ka kuri nakuri ļauds suoc škaļdeit motus tymā šaļtī, kod vāga apsavīnuot.
Daiņs roksta par osu (koč ciļvieceigai jū var saprast)… tys tai maigai saceits + tys, ka ir atsavāruš juo spamuošonys čakrys…
tod maņ ir vaicuojums, parkū tod niu itaida spamuošona?!
kū jis ar tū gribēja pasceit – labi, ka jis pats zyna, bet maņ izaverās, ka nikas cyts kai aplīcynuojums, ka jis jiutās izaguozs kai vaca sāta, tys nav!
taidā teiri ciļvieceigā ziņā, maņ, laikam, juo ir pat drupeit žāļ…
maņ ir tikai vīns vieliejums: ļauds, atsatūpit vīnreiz!
efil , kū baidīs lītuot sovu eistū vuordu ? Interesanta Tova nūstuoja, ja as asmu spamu raskteituojs, tod kai nūsaukt tūs, kas kotru breivu šaļti roksta ? Vysmoz Aņss pasoka kai ir .
Byuteiba, kū as vēlējūs pasceit ir tei, ka pikets beja īspēja LgSC paruodeit, ka jī ir kūpā ar puorejīm. Nu vysmoz tagad zynam, ka LgSC šaidys akcejas nātbolsta. Tys ari vyss.
Aņsi!
Pikets nabeja taiseits, kab latgalīši apsavīnuotu.
Tū cīši labi aplīcynoj ari piketa organizatora žuļtainuo viestule.
Ni tī tys suņs aprokts…
Kaids maņ tys vuords ir īdūts, taids i ir!
Tev napateik? Nasalīk gona lobs, ruodīs zaimojūšs?
Kotrā ziņā cīš intersnys i sovpateigs veids, kai paust sovu vīdūkli par cylvākim, kurim nav taidi poši uzskoti, nūstuoja, kai Tev voi Tev&Co.
Kai tod Tu zyni kaids ir muns i Co vīdūklis ? Nikur programma nav publycāta.
Žāl, pikets varēja kļyut par vīnojūšu pasuokumu i nameklejyt suni zemē, tys nimoz nav aprokts.
As pascēju kū dūmoju na tykai sovā vuordā, bet ari kū teica un dūmoja daži cyti piketa leidzreikuotuoji. I beigu beiguos par ku LgSC tai apsavainuojīs, voi tad godu atpakaļ jyus naīspļovit maņ, Marikai i Merekam sejā ? Tod jau myusim byutu vēl leluoks īmasls apsavainuotīs… . I beigu beiguos maņ itej diskuseja jau ir apnikuse.