Diktats latgalīšu rokstu volūdā 2024. Klausīs i roksti ite!
12. oktobrī 18.20 vokorā Latvejis Radejis Latgolys studeja, latgalīšu kulturys kusteiba “Volūda” i latgalīšu kulturys ziņu portals lakuga.lv ostoitū reizi aicynoj raksteit pasauļa diktatu latgalīšu rokstu volūdā. Akters, muzikis i pasuokumu vadeituojs Kristaps Rasims, kurs ir ari vairuoku latgalīšu radejis īstudiejumu muokslinīcyskais vadeituojs, skaiteis puosoku ap lopsu i rubynu, kas izalaseita nu profesora Pītera Šmita sastateituo latgalīšu puosoku kruojuma.
Diktata teksts sastateits, īvārojūt Vaļsts volūdys centra 2007. godā apstyprynuotūs Latgalīšu raksteibys nūsacejumus, kuri daīmami ITE. Diktatā pīļaunama divskaņa “uo” apzeimuošona ari ar “ō”.
Diktatu var raksteit ari tīšsaistis formā i īsnēgt klaidu puorbaudeišonai http://ej.uz/LTGdiktats2024 voi zam video.
Pīroksti diktatu, verūtīs video, i piečuok puorbaudi pīraksteitū tekstu, kai ari izzynoj, kai puosoka beidzēs, mīdzūt ITE.
Diktata nūtikšonu finansiali atbolsta Sabīdreibys Integracejis fonds nu Kulturys ministrejis daškiertūs Latvejis vaļsts budžeta leidzekļu latgalīšu kulturys kusteibys “Volūda” projektā “Latgaliskuos kulturvidis styprynuošona: sabīdreiba, izpratne i īsaiste” i Vaļsts kulturkapitala fonds.