Informativs materials NVO nūtureibai pret dezinformaceju
Navaļstiskuos organizacejis (NVO) sovā kasdīnā i dorbā nareši sasateik ar dezinformaceju i muoņu informaceju, kai par sovu dorbu, tai temom, kas saisteitys ar kaidu nu organizaceju darbeibys sferu. Ari latgalīšu kulturys kusteiba “Volūda” nav izjāmums. Tok, lai paleidzātu efektivuok atpazeit i turētīs preteibā vysaidai dezinformacejai, vairuoku NVO sadarbeibā ir sagataveits lobūs prakšu apkūpuojums.
Informativais materials pdf faila formatā daīmams ITE. Jis taiseits tai, lai byutu paleigs kotram piļsūniskuos sabīdreibys puorstuovam, kas grybātu styprynuot izpratni par dezinformatoru mierkim, kad jī nūsastuoj pret piļsūniskū sabīdreiba i pret radzamuokū, publiski vysu lobuok saprūtamū daļu – navaļstiskajom organizacejom. Taipat materials ir praktisku padūmu apkūpuojums navaļstiskūs organizaceju puorstuovim, kai organizaceju kasdīnys darbeibā mazynuot dezinformacejis nalobū ītekmi iz sovu dorbu.
Informativū materialu projektā “Organizaceju nūtureibys styprynuošona dezinformacejis vaicuojumūs” sagatavejuse Latvejis Platforma atteisteibys sadarbeibai LAPAS, sasadorbojūt ar latgalīšu kulturys kusteibu “Volūda” i Pasauļa Dobys fondu. Tolkā guojušys Vydzemis Augstškolys asociātuo profesore Agnese Dāvidsone i Vydzemis Augstškolys lektore Māra Arāja.
Aicynojam cytys organizacejis izmontuot sagataveitū informativū materialu, kab byutu nūtureiguoki pret dezinformaceju i spātu vīgļuok stuotīs tai preteimā.
Materials sagataveits digitaluo aktivisma akseleratora programys projektā, kurū atbolsta TechSoup Global teiklys, Hive Mind globaluo vuiceišonuos platforma, Baļtejis Medeju izcileibys centrys i Google.
