Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Tievanānu čulans 2011

Tievanānu čulans plus

Jau pīktū godu vosorys suokumā teik sasaukts Tievanānu čulans: nakomercials, nagudrys i nanormali glauns pasuocīņs sovejim, sovejūs sovejim, latgalīšu literaturys autorim i skaiteituojim. Tai kai itūgod 11. i 12. junī ir paradzāts pīktais – taitod jubilejis laidīņs – Tievanānu čulans paplašynoj rūbežys i programu, palīkūt par nelelu ceļojūšu festivalu.

11. juņs

12:30 Nagli – gruomotys „Es soku. Tu soki. Puosokys par krīzi” atsīšona Nagļūs pi sātys „Krystceli”.

Sāta atsarūn pi vīneiguo Nagļu krystuojuma: iz vīnu pusi ceļš iz Varakļuonim, iz ūtru – iz Īdeņu. Paradzātys puosokys, anekdoti i stuosti par krīzi kai ari dzīsmis „Nagļu trio” izpiļdejumā.

~ 13:30 starts Sukņu i švītu velobraucīņam Nagli – Viļāni.

Ceļa zeime soka, ka braucamuo ceļa gobols ir 13 km. Pa ceļam paradzātys pīstuošonys pi īvarojamu objektu:

– Kūrpinīku krysts, kas izjimts kinā „Cylvāka bārns;

– Piziču piļskolns ar stuosti;

– Trūpu Valna akmiņs (itū reizi gon dīnys gaismā, tok stabila Čulana tradiceja);

– vēļ vairuoki krysti, rejūši suni, puikys iz mopedim i c. atrakcejis.

Velobraucīņa dresscode: koč kas na nu ituo godu tyukstūša – švīteigs i glauns.

~ 16:00 finišs Tievanānūs.

Pikniks, nalela tolka (lupinu i peipiņu stateišona), tekstu i dzīšmu 1. dale

~ 19:00 Tievanānu čulans plus „Mukulēs

Tekstu i dzīšmu 2. dale, breivdobys kinys seanss „Latgolys laikadečs”, pierts i vakarenis

12. juņs

Agri nu reita ap 6-7 stuņdem – tradicionaluo syvānu pierkšona Viļānu tiergā.

Meklejam raibu syvānu i broilera cuoļus.

11:00 (storp reita i pušdīņu mišim) gruomotys „Es soku. Tu soki. Puosokys par krīzi” atsīšonys pasuocīņs Viļānūs (pi bibliotekys) i latgalīšu gruomotu golds Viļānu tiergā.

 

Tehniskuo puse:

– velosipeds

– guļammaiss

– ādamys i dzeramys lītys

Vysu lobuok pyrma pasuocīņa par tikšonu, gribiešonu, problemom dasasaceit iz e-postu lgsc@lgsc.lv Pasuocīņa dīnā par datikšonu itt. dreikst zvaneit Ilzei 29512432

Ar sabīdriskuo transporta sarokstim vysu lobuok paleidzēs www.1188.lv

 

 

Kai Tievanānu čulanā beja cytus godus?

1. gods.
Vaļuka dzejūli i saulis pīlyugšona iz pogroba

2. gods.
Spylgtuokuo frāze nu Guntix – “Skaiti mudruok, dreiži atīs fašisti ar spičkom!”

3. gods.
Patriotu golds ar karūgu, zači i siļčis asti.
Spylgtuokuo frāze nu Raibuo Suņa – “Babys studiņs cīši gords. Tik daudz motu.”

4. gods

Loba daudzi navāga, bet bez guojīņa iz Trūpu Valna akmini – nikur!

 

 

Pastuosti cytim!

Leidzeigī roksti:

Leave a Reply