Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Sovu ceļu pi skaiteituoju ir suocs dzejūļu kruojums “Linejis”
Categories: Bez kategorejis

img_6148Pavysam napaseņ trejuos Latgolys piļsātuos nūtyka LgSC izdūtuo kruosojamuo dzejūļu kruojuma “Linejis” atkluošonys pasuokumi.  Iz sasatikšonu i kūpeigu sarunu aicynuoja gruomotys autoris Jana Skrivļa-Čevere, Ligija Purinaša, Dagneja Dudarjonoka, Gunta Nagle i Ilze Gailāne. Izdūtuo gruomota ir unikala ar tū, ka tys ir pyrmais kruosojamais dzejūļu kruojums deļ pīaugušūs latgaliski.

linejis-15

Pyrmuo sastikšona ar gruomotu i autorem beja Daugovpilī, barā “Artilērijas pagrabi”, kur tyka raudzeits iz dzeju pasavērt kai iz draudzeigu flirtu nakts dzeivis nūskaņuos. Ūtrais pasuokums beja Preiļūs t/c “Ūga”, kur klauseituoji tyka aicynuoti iz reita kopeju i sarunom par dzeju kai hobeju i kasdīnys sastuovdaļu. Trešuo sasatikšona nūtyka Rēzeknē, Latgolys kulturviesturis muzejā, kur autoris aicynuoja pasavērt iz gruomotu kai iz komplicātu muokslys dorbu, volūdys i vēsturis līcineicu.

Kruojumā raudzeits maksimali atkluot kotrys autoris unikalū raksteišonys stilu i izceļt personeibys īzeimis, tymā pošā laikā naizjaucūt gruomotys kūpejū koncepceju. Golvonuo dzejis tematyka ir sīvītis pasaimg_1940uļs — sajiutys, dūmys, analize, sarunys. Gruomota ir kai autoru pasauļa redzīņu lineju krystušonuos punkti, kas atkluoti 75 dzejūļūs i 25 ilustracejuos, kas ritmiski sasalykušys pa vysu kruojumu. Ilzis Gailānis veiduotuos ilustracejis ir kai mozi muokslys dorbi, kas radeiti, skaitūt dzejūļus. Gruomotā ir īkļautys ari tukšys vītys, kur skaiteituojs pats var pīraksteit sovys puordūmys ci sajiutys i, prūtams, pakruosuot malnboltuos ilustracejis. Funkcionalitatis deļ gruomotai ir kuldys formats i spiralis siejums, kas atļaun tū jimt leidza izbraucīņūs i ārti lītuot kasdīnā.

Gruomotys redaktora Valentina Lukaševiča īsacejums taiseit gruomotu “vīglu” ir pīsapiļdejs. Kai jau jaunu sīvīšu gruomota, tei ir rūtaļeiga. Izkruosojūt zeimiejumus ci paraugūt skaiteit dzejūļus nu dažaidu skotu punktu, grumota kai jauna meitine jiutami mainuos, saglobojūt sovu “ūdzeņu”.img_6046

Kruojuma autoris izsoka pateiceibu par projekta finansialū atbolstu Latgolys regiona atteisteibys agenturai, Valsts kulturkapitala fondam, a/s “Latvijas Valsts meži”. Paļdis gruomotu tekstu korektorei Muorai Mortuzāne-Muravskai. Taipat projekta rodūšuo komanda izsoka pateiceibu par sirsneigū izjimšonu prezentacejis pasuokumūs baram “Artilērijas Pagrabi”, t/c “Ūga” i Latgolys kulturviesturis muzejam. Paļdis ari jaunīšim Īvai Romanovskai, Rūtai Pastarei, Līnei Narcis i Muorteņam Arbidānam par muzykalajim prīkšnasumim prezentaceju laikā.

Kruosojamais dzejūļu kruojums “Linejis” nūpierkams veikalā “O!Marta” Daugovpilī, “Jānis Roze” gruomatneicuos, t/c “Ūga” Preiļūs, veikalā “Liesma” Rēzeknē, interneta veikalā “Taiseits Latgolā”, bīdreibys “Latgolys Studentu centrs” gruomotu tierdznīceibys izbraukumūs. Taipat 50 gruomotys eksemplari ir paduovynuoti Latgolys bibliotekom.

n-8039

 

Leidzeigī roksti:

Leave a Reply