Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Snīgs i piparkūkys…
Categories: LgSC sadzeive

Uorā ir 13.decembris i nav ni minis nu vysa īprīšk minātuo. Lai koč drusku radeitu sev i cytim zīmys sajiutu, Rēznys LgSC jaunīši nūlēme izcept piparkūkys. Dūmots – dareits! Sasatykom RA Vipingys kojuos i suocem radeit svātku sajiutu. Ideju i variantu beja tik daudz, ka nazynuojom nu kuo suokt, bet vys tik moz pa mozam vyss nūtyka. Kaids centēs izruļlēt meikli, kaids izreiz kieros pi formu veiduošonys.

Aiz lūga beja tymss, kojuos kluss i īdvesmai fonā skanieja Latgolys Radeja. Puors minotu laikā topa sliepuotuoji, tautumeitys, uobuleni, kačeiši, hokejisti, maskys i cytys ni mozuok jautrys figurys. Naiztika i bez tradicionalojom sirsneņom i snīgaveirim. Piec pīcpadsmit minotim smaržuoja vyss stuovs i nu cytom durovom suoka pazaruodeit ziņkuoreigi skatīni, sok – kas tī cik garšeigi smaržoj?

Juosoka, ka iznuokums beja vysnūtaļ īprīcynūšs. Vokora nūslāgumā Rēznys LgSC sasazvaniejuos ar Daugpiļs LgSC i nūskaidruojom, ka mes nabejom vīneigī, kas tymā vokorā centēs pīsaukt zīmu. Storp cytu… Dagneja, daudz laimis!

LgSC Rēzekne aktivisti

 

.

 

 

Pastuosti cytim!

Leidzeigī roksti:

1 Comment to “Snīgs i piparkūkys…”

  1. Dagneja saka:

    Paļdis! 🙂

Leave a Reply