Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Podkāsts i LgSC
Categories: info LgSC, studentim

Ka par tradicejom, tod par tradicejom! Kotra mieneša pādejuo trešdine varātum kliut par jaunu tradiceju LgSC aktivitašu pīduovuojumā. Pasludynojom tū par LgSC podkāsta īroksta dīnu! Na vīnam viņ nūteikti ir vaicuojums: Kas tys par zvāru – podkāsts? Vuords “podkāsts” ir salikteņs, kas rodīs nu vuordim “iPod” i “broudcasting”. Vīnkuoršim vuordim skaidrojūt – tys ir entuziastu taiseits audio raidejums, kuru var klauseitīs škārsteiklā, īluodēt sovā meiļuokajā muzykys atskaņuotuojā i klauseitīs pa ceļam iz sātu, dorbu, školu ci jebkur, kur atsarūn. Tai ari pagaidom tys varātu izavērt – ite poš Skreinē ir sadaļa, kur ir audio faili ar dažaidim īrokstim – zinis, ailis, puorsokys, reportažys, sveicīni itt. Nu sova veida LgSC radeja! Ka ari Tu gribi pīsadaleit ituos dzelys realizacejā – gaideisam Tevi Tonis birojā iz īrokstu seseju!

Taitod:

24. martā nu 18:00 LgSC podkāsta īroksts. Dublis Nr. 2.

Svareigs paziņuojums! Vysys tehniskuos nabyušonys ir atrysynuotys i LgSC podkāsta īroksts Dublis Nr. 2 var nūtikt! Ituo eksperimenta īroksta seseja 24. martā nu 18:00 Tonis birojā. LgSC ziņu īroksts (varbyut Tu esi taišni tys, kam tuos vādzātu īrunuot), ailis, puorsokys i sveicīņi (sābrim, babai, kačam, muosai i vēļ, i vēļ!). Tovs sveicīņs voi sokomais nadreikst palikt naīraksteits! 😉

Pastuosti cytim!

Leidzeigī roksti:

1 Comment to “Podkāsts i LgSC”

  1. sauve saka:

    paļdis, ka tik izsmeļūši apskaidruoji, kas tys par zvāru! 🙂
    es varātum viņ 4diņ vokorā. bet ceru, ka iz tū laiku jau byus kasnaviņ gotovs i klausoms 🙂

Leave a Reply