Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Pīredzis stuostu daleišona!

Oktobrī bīdreiba „Latgolys Studentu centrs” Reigā aizsuoks lekceju-pīredzis stuostu ciklu, kura laikā ar sovim pīredzis, veiksmis, zynuošonu stuostim i lekcejom daleisīs latgalīši, kas kasdīnī struodoj atbiļdeigūs i nūpītnūs omotūs, dorbojuos radūšuos jūmuos ci dora kaidys cytys interesantys lītys, zynuošonys par kurom varātu paleidzēt/nūderēt turpmuokuos gaituos ari cytim, golvonūkuort, studentim pīredzis giušonai.

12. oktobrī RTU (Reigys Tehniskuos universitatis) golvanajā sātā Kaļķu īlā 1 219. kabinetā 18:30 ar pyrmū pīredzis stuostu „Muzykali izaicynuojumi nu Sovvaļnīka leidz Lady Gaga” daleisīs reklamys i pasuocīņu agenturys „Magic Factory of Idea Branding” (magicFIB) radūšais direktors, fanu reisu organizators i latgalīšu muzykys projekta „Sovvaļnīks” producents Aivars Līpenītis.

Ka ari Tevi iņteresej latgalīšu (i vyspuoreigs) muzykys menedžments, fanu reisu organizeišona i radūšuo reklama – byusi gaideits kai klauseituojs! Leidza drūši var jimt sovus vaicuojumus!

Atguodynojom, ka jaunu zynuošonu nikod navar byut par daudzi, i par kū gon ar tom navarātu pasadalēt ari Latgalīši! 😉

___________________________________________________________

Pi reizis muzykalai pauzei – jaunuokais nu Sovvaļnīka – Nav tuoļuok, kur īt:

http://www.youtube.com/watch?v=jgBj1mO-x1E

___________________________________________________________

PS Nuokušuo lekceja – pīredzis stuosts 19. oktobrī, kod zynuošonuos par runys muokslu daleisīs  ELVI zeimūla sabīdriskūs attīceibu vadeituoja Vineta Grigāne-Drande.

Pastuosti cytim!

Leidzeigī roksti:

Leave a Reply