Paziņuoti "Boņuka" pretendenti
Verūs, ka jau nūsaukti “Boņuka” bolvys pretendenti. Cik pīmiņu, apbolvuošona laikam 26. aprelī, dīnu piec “Vuolyudzānu” Rēzeknē. Ka tik na ar sorkonim kovrim, puču buketim i glaunom suknem i smokingim. 😀 Es tai pi seve smejūs.
Ir precizys lītys, ir puorprotumi. Laikam beja atkareigs nu pīsaceituoju aktivitatis i redzīņa. Kai jim pasaruodēja. Poša es nikuo napīsacieju. Slinka kai maita…
Tok prīca, ka ir i nūteik. Kū vaira nūteik, tū vaira kuo apsavērt i satikt, īraudzēt, byut. Evoluceja ļūbej variacejis i atkuopis. 🙂 Latgalīši izdzeivuos, ka byus vysaidi.
Nazynu, cik šaura ci plota vide puorstuovāta. Ak jau ir latgaliskys aktivitatis, kas nūteik pošys nu seve i nav vydā. Tok tys laikam naizbāgamai – lai kai skrītu i maklātu, vysod byus nazkas uorpus redzīņa.
Vysaidā ziņā LgSC ari ir tī pa vydu. Redzēs, kai gols golā tiks nūvierteiti myusu dorbi.
Cyta storpā piec vīnys nagulātys nakts i spriesšonys (paļdis Arta pacīteibai i apjiemeibai sagatavēt pamateigu i puordūmuotu pīsacejuma pamattekstu!) pīsacieju LgSC 2008. goda darbeibys programu latgalīšu volūdys saglobuošonys i atteisteibys jūmā NVO instituta premejai, kur var pīsasaceit sabīdriskuo lobuma organizacejis ar sovim aizguojušuo goda “varūņdorbim” i sajimt premeju, tok vaira interesēja īspieja byut sūpluok i pīsadaleit.
Ilze