Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
LgSC mierki

Bīdreiba “Latgolys Studentu centrs” ir sabīdriska organizaceja, kas apvīnoj studejūšus i studejis beigušus jaunīšus, kam ir svareigi LgSC statutūs nūsaceitī mierki i aizdavumi.

Bīdreibys nūsaukums ir „Latgolys Studentu centrs”, krīvu volūdā – „Центр студентов Латгалий”, angļu volūdā – „Students’ centre of Latgola”. Bīdreibys nūsaukuma saeisynuojums – „LgSC”.

LgSC mierkis ir sekmēt jaunīšūs Eiropys pylsūneibys apsazynuošonu i veicynuot jaunīšu īsasaisteišonu Latgolys nūvoda kulturvidis, ekonomiskuos i socialuos vidis atteisteibā, koordinēt ar tū saisteitūs projektu izstruodi i realiziešonu.

LgSC golvonī aizdavumi: izstruoduot, koordinēt i realizēt projektus, kas sekmej jaunīšu īsasaisteišonu Latgolys nūvoda kulturvidis, ekonomiskuos i socialuos vidis atteisteibā; apzynuot jaunīšus i studentus, kas īt nu Latgolys, i veicynuot jūs sadarbeibu; veicynuot latgaliskuos pošapzinis ceļšonu i latgalīšu volūdys lītuošonu, atteisteit interesi par Latgolys kulturvidi, ekonomiku i sabīdriskajim procesim; sekmēt jaunīšūs Eiropys pylsūneibys apsazynuošonu, kai ari kūpeigys eiropeiskuos identitatis sajiutys i integracejis izaveiduošonu.

LgSC devize – Latgolu saulē ceļt.

LgSC moto – Dūd vacam gūdu, ej jaunam leidza!

Bīdreiba dorbojās Latvejis Republikys teritorejā i uorpus juos, sasadorbojūt ar leidzeigom organizacejom cytuos vaļstīs, kai ari cytom bīdreibys interesis aizstuovūšom, atbolstūšom i īsaisteitom īstuodem, fiziskom i juridiskom personom.

Pastuosti cytim!