LgSC dorbi

Atkluotuos lekcejis i diskusejis par volūdys i regionaluos ekonomikys vaicuojumim (2000-2004)

Pasuokumi studentim: čajs, spēlis, puosokys, saļmu dzīduošona i vakariešona, dzīsmis i daņči (2000-2009)

Školuotuoju vosorys kursi „Vosoruošona” (2000-2005)

Buļbu, syudu i lopu kasšonys tolkys (2000-2009)

Kūpeiga leiguošona (2000-2009)

Kūpeiga čyguonūs īšona Zīmyssvātkūs (2002-2009)

Diskuseja par vīnuotu latgalīšu rokstu volūdu (2003)

Jaunīšu nūmetne i seminars „Atzolys” par latgalīšu volūdu i kulturu (2004-2009)

Lobdareibys akceja “Izduovynoj puosoku” Latgolys bārnu nomu i patversmu bārnu braucīņam iz Reigu nūsavērt čehu tautys puosokys kinā „Reiga”, aizīt iz Latvejis Dobys muzeju i t.t. (2005)

Ekspediceja iz Grybustu i Meža trūpu dzeraunem (2005)

Atbolsts Latvejis Etnografiskuo breivdobys muzeja reikuotajai Latgalīšu dīnai (2005-2009)

Rokstu dorbu konkurss Latgolys cylvākim „Es eju nu Latgolys” (2006)

Ekspedicejis da latgalīšu iz Sibiri (2006-2009)

Jaunuos latgalīšu muzykys festivals “Muzykys Skrytuļs” (2006, 2007)

Latgalīšu kulturys portals “LaKuGA – latgalīšu kulturys gazeta”, adress www.lakuga.lv (2007-2009)

Dzejis dīnu pasuokumi “Peguozeiša Vakarenis” (2007), “Nūvodu Pant-Tūni” (2008), “Tehnodzeja” (2009)

Pasuokumi “LaLaDra – Latgalīts latgalīšam draugs” Latgolys škoļnīkim (2007) i studentim (2008, 2009)

Portala draugiem.lv latgalīšu versejis munidraugi.lv tulkuošona (2007, 2008)

Latgalīšu autoru nakts “Tievanānu Pavasars” (2007-2009)

Ekspedicejis Latvejis i Boltkrīvejis pīrūbežā kūpā ar Minskys studentu etnografiskū bīdreibu (2007, 2008)

Latgalīšu sabīdriskūs organizaceju kongress Leiksnā (2008)

Latgalīšu ortografejis nūsacejumu izdūšona i duovynuojums Latgolys školom i sabīdreibai (2008)

Informativs seminars par latgalīšu rokstu volūdu (2008)

Daleiba Minskys studentu etnografiskuos bīdreibys reikuotajā sanūs omotu nūmetnē (2008)

Pasuokumu ciklys „Latgales jaunieši = Latgales nākotne”: koncerts, rodūšūs dorbu konkurss i diskuseja (2008)

Latgalīšu autoru īkļaušona dzejis diskā “Inflatio Poesis” (2008)

Sanūs omotu škola kūpā ar Minskys studentu etnografiskū bīdreibu (2008)

Latgalīšu jaunuos muzykys koncertu sereja “Taiseits Latgolā” (2008, 2009)

Latgalīšu studentu orienteišonuos saceņseibys Reigā (2008, 2009)

Latgalīšu rokstu volūdys kursi (2008, 2009)

Myusudīnu latgalīšu dzejis antologeja “Susātivs”, juos attaiseišonys pasuokumi Rēzeknē, Reigā i Lendžūs i juos duovynuojums Latgolys školom i bibliotekom (2008, 2009)

Jaunīšu rodūšūs dorbu konkurss “Latgola – zyrgs voi mašyna?” (2009)

Latgaliskuos apzinis veicynuošona Krīvejis Federacejis latgalīšu diasporā (katuoļu bazneickunga braucīni pī Sibira latgalīšu i informativī seminari) (2009)

Bārnu i jaunīšu lobūs stuostu konkurss (2009)

Puosoku izlaseEs soku. Tu soki. Puosokys par krīzi” (2009-2011)

… … …

LgSC doromī dorbi iz prīšku, kam vajag paleiga:

Latgalīšu volūdys gramatika

Vuiceibu leidzekli školom i pošvuiceibai

Tuoļvuiceibys kursi škārsteiklā

Latgalīšu volūdys vuordineica

Gruomotys bārnim, jaunīšim, lelajim

Muzykys diski, karaoke diski, latgalīšu autoru diski

Latgalīšu kulturys portals “LaKuGA – latgalīšu kulturys gazeta” – www.lakuga.lv

Latgalīšu muzykys koncerti Latgolā i vysā Latvejā

Latgalīšu autoru sasatikšona sovā storpā i ar skaiteituojim

Muzykali i literari pasuokumi bārnim i jaunīšim, škoļnīkim i studentim

Kūpeiga leiguošona i čyguonūs īšona, tolkys i ekspedicejis

Bārnu i jaunīšu nūmetnis, seminari i kursi

Ziņu portals latgaliski

Raidiejumi latgaliski Latvejis medejūs i internetā

Stipendeju fons latgalīšu studentu atbolstam

…..

Jau nu 2000. goda, kod aizasuoce lelais vairums myusu aktivitašu i dorbu, asam īgivuši lobu pīredzi, kas ļaun veiksmeigai pabeigt īsuoktūs dorbus i suokt jaunus – bīži ambiciozus i konkretajā laikā gryuši īdūmojamus.

Īgiutuo pīredze i juos puormontuošona, jaunu bīdru īsasaisteišona LgSC darbeibā ir garants bīdreibys pastuoveišonai i iz prīšku i paruoda, ka latgalīšu jaunīšim ir aktuala darbeiba kūpeigā NVO, vīnuotu mierķu izvierzeišona i sasnīgšona.

Ka vari i gribi paleidzēt ar sovu dorbu, laiku, atbolstu, naudu voi padūmu, soki.

Vīns nav dareituojs. Dareisim kūpā!

One Reply to “LgSC dorbi”

Leave a Reply

Your email address will not be published. Required fields are marked *

This site is protected by reCAPTCHA and the Google Privacy Policy and Terms of Service apply.