Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Kai paleidzēt LgSC?

Kab pasauļs palyktu lobuoks, navajag daudz.
Vīnu nu sirds padareitu dorbu.
Vīnu pruoteigi spartu sūleiti.

 

Kab dorbu padareitu, vajag tik 3 lītu:
dareituoja;
doromuo;
dzierksts acīs.

 

Ka Tev ir loba ideja, nagloboj pi seve!
Ka Tev rūkys nīz koč kuo loba padareit: sareikuot sovā školā voi piļsātā i cīmā kaidu latgalisku pasuokumu, sadzīduot voi apsarunuot latgaliski, īraksteit jaunu latgalīšu muzykys disku, izdūt jaunu gruomotu latgaliski voi izdūmuot koč kū pavysam sovu, mes varim paleidzēt ar pīredzi i atbolstu.

Ka Tev ir laiks, nauda voi ustoba, Tu vari daudz!
Ka Tev ir
pierteņa voi klāvs, izdevnīceiba voi mikrofons, veikals voi birojs, teatris voi kūrs, myusim ir daudz lobu ideju, kam vajag vītys i naudys, tok puori vysam atbolsta. Reizem lobim dorbim i idejom pītryukst vysā moz – ticeibys, ka jūs izadūs padareit.
Padareit var daudz, ka zyni kaids tic i gaida.

Ka atbolsti myusu dorbus, ej paleigā!
Ka
kaidā nu LgSC darbeibys vierzīnim redzi i sovu īceru pīpiļdiejumu, vari drūsai sasazynuot ar vaļdi i paleidzēt ar naudu, montu, svežņom idejom, goreigū atbolstu, dorbu.

LgSC ir atvārts sadarbeibai ar cytom NVO, vaļsts i pošvaļdeibu īstuodem i institucejom, privatom firmom i cytom juridiskajom organizacejom, veicynojūt statutūs nūsaceitūs mierķa sasnīgšonu.
Myusu viesture ir mierejama jau vaira kai desmit godu garā pīredzē. Kod aktivuok, kod mozuok aktivai asam bejuši sūplok latgaliskajam jau nu 20. g. s. 90. godu.
Itymā laikā asam sasadorbuojuši i ar augstškolom, i valsts i pošvaļdeibu īstuodem, i privatom firmom, i privatpersonom.
Sasadorbojūt ar cytim, LgSC mierkis ir bejs īgiut i saglobuot
uztycama i ilgstūšā laika periodā struoduot spiejūša partnera statusu, partū ka myus interesej sova dorba rezultats i kab sadarbeiba ītu iz prīšku.