Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
“Pādi i piedeni” – latgalīši Jelgovā i juos apleicīnē

Gatavojūtīs Latgalīšu saītam Ūzulnīkūs, LgSC Jelgovys birojam beja uzticāts vīns lels dorbs, kura iznuokumam vajadzieja byut video ar latgalīšu cylvāku stuostim – kur jī sovā dzeivē ir atstuojuši kaidys pādus, prūti, kū jī ir izdariejuši i sasnīguši. Tai tyka uztaiseits nalela kina “Pādi i piedeni”.

Video taiseišonys idejis autore ir Ingūna Lipska, kas ari beja saīta organizatore.  Taipat ari tīši ar Ingūnys paleidzeibu, mes satykom daudzus latgalīšu cylvākus, kas byutu gotovi pastuosteit par sevi.  Tok ar tīm vīņ napītyka i puorejū īspiejamū video varūņu sarokstu sastuodieja poši studenti, salīkūt golvys kūpā – kas kaidu latgalīti pazeist, ar kū jis nūsadorboj, nu i  tai tei kiedeitis  reakceja aizguoja. Žāl, ka na vysi beja tik atsauceigi, kai grybātūs i saguoja dzierdēt ari atsacejumus. Kūpumā uzskotom, ka itaida veida projekts, kurā tūmār tyka īguļdeits daudz dorba, laika i izdūmys, beja myusim vierteiga pīredze. Deļ tuo nuokušī itaidi dorbi veiksīs vēļ lobuok. Gols golā – satykts tik daudz atsauceigu, labsirdeigu i īdvasmuojūšu latgalīšu, kuri stabili stuov ar sovom pādom gon Latgolā, gon tān jau ari Jelgovys pusē!

Pateikamu vieršonūs!

Ar sveicīnim,

Jelgovys biroja jaunīši

Pastuosti cytim!

Leidzeigī roksti:

2 Comments to ““Pādi i piedeni” – latgalīši Jelgovā i juos apleicīnē”

  1. Sveiciens maniem latgaliešu brāļiem un māsiņām no Rīgas!
    Gribēju jums tikai novēlēt veiksmi un panākumus arī turpmākai studentu centra darbībai.
    Kā arī pajautāt vai tuvākajā laikā tiek plānotas arī atvērtās durvju dienas, kur varētu personiski iepazīties ar centra darbību?

    Paldies jau iepriekš!

  2. Kristīne saka:

    Vasali!

    Nui, septembrī plānuoti pasuocīni vysūs LgSC birojūs. Sekojit leidza informacejai sātys lopā i gaideisim iz pasuokumim 🙂

Leave a Reply