Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Pa Reigys stygom piec latgaliskuo

Ituo goda 30. septembrī pi Breiveibys pīminekļa sasatyka četrys jaunīšu komandys, lai pīsadaleitu ikgadējā foto-orientiešonuos pasuokumā „Vokora styga”. LgSC Reigys birojs puorbaudieja daleibnīku zynuošonys i atjauteibu.

 Beja vairuoki aizdavumi – biļdēs atpazeit īvāruojamus latgalīšu cylvākus, uzminēt dzierdātys i nadzierdātys melodejis, piec ortofoto saprast, kas par objektu attāluots kartē, lēkt klaseitis i byut pat latgalīšu – latvīšu tulkim.

Fotografejuos kotra komandai vajadzieja nūsabiļdēt ar konretim objektim: autobusu, kurs vad iz Latgolu, juouztaisa pašeits ar Fraņci Trasunu, juoatrūd restorans ar taidu nūsaukumu, kaids Latgolā nabyutu sastūpams – Niklāvs.

Piec vairuoku stunžu klejojumim pa Reigu, komandys i organizatori sasatyka folkklubā „Ala”. Piec nūpītna komandu izviertiejuma, 1.vītu dabuoja komanda ar cīši sīviškeigu nūsaukumu „Dzemde” 🙂

Vokors turpynuojās naformalā gaisūtnē, kur tyka īpazeiti jauni cylvāki, apsprīsti spielis laikā nūtykušī pīdzeivuojumi i plānuoti jauni pasuokumi.

 Kai īrosts, LgSC Reigys birojs kotru godu aicynoj jaunūs studentus i latgalīšus, kas nu jau ir reidzinīki, īpazeit tyvuok Reigu i latgaliskuos vītys.

Gaidom vysus interesentus iz saceņseibom nuokušgod i aicynojom apmeklēt cytus LgSC pasuokumus itymā godā.

Agita

Reigys biroja vadeituoja

Apsaver biļdēs, kai myusim guoja!

Pastuosti cytim!

Leidzeigī roksti:

Leave a Reply