Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Nūsasliedzs vīns nu LgSC projektu
Categories: LgSC projekti

Ar pozitivom emocejom aizvadeits projekta „Latgales jauniešu drošumspēja un pilsoniskums” nūslāguma pasuokums Dagdā, Dagdys bārnu i jaunīšu centrā „Parka rozes”. Iz projekta nūslāguma pasuokumu, beja sabraukuši jaunīši nu Daugovpiļs, Rēzeknis, Ezernīku i Dagdys.

Kai jau stuostejom īprīkš, projekta laikā nūtyka apvuiceibys, konsultacejis, video taiseišona i vysaidys aktivitatis. Sovu izpratni par projekta temom – pilsūniskuma prasmem i drūsumspieju jaunīši paruodeja poštaiseitūs video, kas niule ir apvīnuoti DVD ar nūsaukumu „Es esmu soli tuvāk tam, kas vēlos būt”. Vysus video var apsaviert ari bīdreibys „Darītājiem” Youtube kontā.

Itys projekts tyka vārsts iz taidu socialu temu, kai jaunīšu pilsūniskuma izjiuta, iniciativys, aktivitatis vītejā sabīdreibā. Latgalīšu kuļtura i volūda napagaiss, cikom myusim byus jaunīši, kuri ir drūsi par sovu nuokūtni Latgolā. Taidi jaunīši, kuri nasabeist izsaceit sovu redzīni par nūtykumim sovā saimē, pogostā, školā, vaļstī. Taidi, kuri ir gotovi vuiceitīs, planavuot, dariet, kab sovu dzeivisvītu padareitu lobuoku deļ seve i cytu.

Projekta aktivitatis koč drupeit ir paleidziejušys 50 jaunīšim mainiet sovu pasaulis uztveri nu pasivitatis iz aktivuoku dzeivis poziceju. Izsaceit, pīsadaleit, dariet, organizēt i vuiceit cytus. Iz projekta vaicuojumim „Kai es pats ar sovu reiceibu varu maineit sovu kasdīnu? Kai i kaidu es sevi radzu Latgolā pēc 5, 10 ci 20 godu? Kū es varu izdareit, kab munā školā, pogostā, pošvaļdeibā ļauds aktivuok īsasaisteitu vītejuos iniciativuos?” paraugi atsaceit pats. Kū Tu varātum dariet sovaižuok?

Kab veicynuot pilsūniskuma izjiutu, jaunīšim tyka pīduovuotys ari konsultacejis pi profesionaļu, kur jī varieja aizdūt sovus vaicuojumus i par pilsūniskumu, i par karjeru, i par iniciativom, i par projektu realizēšonu.

Lelu paļdis LgSC soka projekta partnerim: bīdreibai „Darītājiem”, bīdreibai „Rēzeknes Augstskolas Absolventu asociācija”, bīdreibai „Dagne”, Dagdys bārnu i jaunīšu centram, Daugovpiļs Universitatis Karjerys i iniciativu atbolsta centram, Rēzeknis Augstškolai i SIA „Orglab”.

Projektu atbaļsteja Dīnvydlatgolys NVO atbolsta centrs, finanseja LR Kulturys ministreja.

1 2 3 4 6 7

Leidzeigī roksti:

Leave a Reply