Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Jaunīšu lobūs stuostu konkursa nūlykums
Categories: LgSC projekti

Bārnu i jaunīšu stuostu
konkursa nūlykums

Kab sekmeitu bārnu i jaunīšu interesi par myusu dīnu Latvejā nūtīkūšajim socialajim, ekonomiskajim i politiskajim procesim i mudynuotu jūs kai nuokūtnis sabīdreibys daļu izsaceit sovu redziejumu par šudiņdīnys pasauli i juo puormainem, bīdreiba „Latgolys Studentu centrs” izsludynoj bārnu i jaunīšu stuostu ar laimeigom beigom konkursu.
Teik gaideiti stuosti, kurūs teik izsaceits bārnu i jaunīšu redziejums par myusu laika Latveju, kasdīnys dzeivis nūvāruojumi, sovs vīdūklis i pozitivys izejis mekliejumi – dzeivē voi fantazejā, pa smīklam voi nūpītnai.
Konkursā var pīsadaleit školāni i studenti, bārni i jaunīši da 25 godu vacuma.
Stuosti īsnīdzami latvīšu literarajā volūdā voi latgalīšu rokstu volūdā.

Rodūšūs dorbu konkursa aizdavums
Veicynuot jaunīšū interesi par myusu dīnu Latvejā nūtīkūšajim procesim i rakstureiguokajom myusu laika paruodeibom i sekmēt jūs leidzdaleibu, viertejūt ituos paruodeibys i snīdzūt rysynuojumu, kai pasauli i dzeivi iz prīšku padareit lobuoku.
Rūsynuot jaunīšu interesi par Latgolu i latgalīšu rokstu volūdu, tai sekmejūt sabīdreibys toleranci.
Dūt jaunajim autorim īspieju publicēt sovu stuostu i runuot ar sovim vīnaudžim i lelajim.

Konkursa temats
Jaunīši teik aicynuoti raksteit stuostus par myusu dīnom ar laimeigom beigom.

Konkursa parāds
Konkursā var pīsadaleit jaunīši: pamatškoļnīki (7.-9. klase), vydsškoļnīki, studenti vacumā da 25 godu.
Dorbus var īsnīgt latvīšu literarajā volūdā voi latgalīšu rokstu volūdā (gruomota tiks izdūta latgaliski, deļtuo vajadzeibys gadīnī organizatoru izalaseitī stuosti tiks tulkuoti).
Stuosti īsnīdzami puorskaitamā rūkrokstā voi datorrokstā (atstarpe 1,5 i burtu izmārs 12).
Stuosta garums: leidz 1000 vuordu voi apmāram 2 plp.

Viertiešonys parāds
Konkursam īsnīgtūs dorbus viertej bīdreibys „Latgolys Studentu centrs” vaļde i juos pīaicynuotuos personys.
Konkursa dorbi teik vārtāti atseviški 3 grupuos: pamatškoļnīki, vydsškoļnīki i studenti.
Plagiati i tematam naatbylstūši dorbi nateik vārtāti. Dorbūs paustais vīdūklis var nasakrist ar konkursa reikuotuoju vīdūkli. Dorbi nateik syuteiti atpakaļ autorim. Autortīseibys pīdar rodūšūs dorbu autorim, a konkursa reikuotuojim pīdar tīseibys publicēt konkursa dorbus pylnā voi saeisynuotā versejā.

Dorbu īsyuteišona
Rodūšūs dorbus syuteit bīdreibys „Latgolys Studentu centrs” Reigys birojam Antonejis īlā 8-3/6, Reiga, LV – 1010, ar nūruodi „Rodūšūs dorbu konkursam” da 2009. goda 21. decembra (posta zeimūgs, syutūt pa postu) voi iz e-postu: lgsc i inbox.lv.
Lyudzam nūruodeit: vuordu, uzvuordu, vacumu, vuiceibu īstuodi, e-postu i kontakteleponu.

Rezultati i apbolvuošona
Lobuokī stuosti tiks publiceiti stuostu izlasē i portalā www.lakuga.lv
Rezultatu paziņuošona 2010. goda janvarī, apbolvuošona 2010. goda martā gruomotys prezentacejis laikā.

Pastuosti cytim!

Leidzeigī roksti:

1 Comment to “Jaunīšu lobūs stuostu konkursa nūlykums”

  1. Jaunīšu lobūs stuostu konkurss « Latgolys Studentu centra dīnroksts saka:

    […] Vaira informacejis i nūlykums ite. […]

Leave a Reply