Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Nacionalajā bibliotekā nūtiks Latgolys dīna

12783526_10154028312614031_7517076005715420786_o

12. martā nu 10.30 da 17.00 Latvejis Nacionalajā bibliotekā izstuodis “Nevar nerakstīt” ītvorūs nūtiks Latgolys dīna. 

Jau 10.30 pasuokums tiks atkluots kūpā ar Rogovkys ļaudim. Tam sekuos daņči i dzīsmis ar folklorys kūpu “Upīte”, kai ari Latgolā taiseita kina, darbneicys ar Ludzys omotnīku centra meistarim, virtualuos spēlis par Latgolys kulturys montuojumu, kai ari tradicionalī iedīni nu bīdreibys “Latgolys golds”.

11.20 komedeju “Ontans i Anne” ruodeis Baļtinovys nūvoda teatris “Palādas”, piečuok paradzāti Latgolys Studentu centra literari muzykalī prīšknasumi “LaLaDra”, Luisa Kerola gruomotys “Alise Breinumu zemē” skaiteišona kūpā ar gruomotys veiduotuojim, kai ari otkon daņči i dzīsmis ar folklorys kūpu “Upīte”.

Pasuokuma nūslādzūšajā daļā paradzāti akademiski lasejumi, veļteiti latiņu drukys aizlīgumam Latgolā 19. gs. ūtrajā pusē i Latgolys kulturys renesaņsei. Pīsadaleis dzejneica i žurnaliste Anna Rancāne, Reigys Augstuokuo religejis zynuotņu instituta profesore Dr. philol. Skaidreite Kalvāne (muosa Klara P.I.J.), Daugovpiļs Universitatis asociātais profesors Dr. hist. Henrihs Soms, LNB Ratūs gruomotu i rūkrokstu nūdalis golvonuo bibliografe Lilija Limane, Latvejis Universitatis Humanitarūs zynuotņu fakultatis Baltu volūdnīceibys katedrys profesore Dr. philol. Lideja Leikuma, Rēzeknis Tehnologeju akademejis profesore Dr. philol. Ilga Šuplinska.

Pošuos beiguos ar muzykalu prīšknasumu vysus prīcynuos postfolklorys grupa “Rikši”.

Leidzeigī roksti:

Leave a Reply