Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
LgSC turpynoj realizēt projektu „Latgalīšu Kulturys Gazeta”

Jaunajā godā mes kotrs gribim suokt piļdeit tuos apsajimšonys, kurys asam apsūlejuši sev vacajā godā. Taišni taipat ir ar bīdreibys „Latgolys Studentu centrs”  uzturātū portalu lakuga.lv , kurs ar 2013. goda 1. janvari suoc jauna dorba cielīni. Goda pyrmūs treis mienešus portala darbeibu atbaļsteis Vaļsts kulturkapitala fonds, kurs pīškeire finansiejumu Latgolys kulturys programys ītvorūs.

„Latgalīšu Kulturys Gazeta” jūprūjom ir pasaulī vīneigais latgaliski rokstūšais interneta medejs i ir palykuse par sova veida latgalīšu puļciešonuos vītu internetā, kur vysod var satikt kaidu pazeistamu, atrast kū sev nūdereigu i saistūšu.

Ari iz prīšku LaKuGa ar sovu darbeibu veicynuos pīdereibys sajiutu i styprynuos nacionalū identitati Latgolys regionā, veicynuos sabīdreibys izpratni par Latgolys kulturys specifiku i tuos vītu myusdīnu Latvejis kulturys telpā, rūsynuos īdzeivuotuojūs vieliešonūs i īspiejis īsasaisteit regiona tradicionaluos i laikmeteiguos kulturys procesūs. Jaunajā dorba cielīnī LaKuGys skaiteituojus gaida vaira originalrokstu par viesturi, kulturu i personeibom. Ari iz prīšku aicynojam pošus latgalīšus pīsadaleit portala satura veiduošonā, informejūt myus par latgaliskajom nūtikšonom sovā pusē, par sovys daiļradis jaunumim gon muzykā, gon literaturā, gon cytūs kulturys vierzīņūs.

Lels paļdis vysim, kas ir pīsadalejuši lakuga.lv satura veiduošonā da šam, kai ari vysuleluokais paļdis īprīškejai portala redaktorei Edeitei Husarei.

Nu jaunuo goda lakuga.lv jaunumim leidza vari sekuot ari portalā http://www.facebook.com/LaKuGa.lv , kai ari jūprūjom čivinejam twitter.com .

Laimeigu Jaunū godu!

Projekta „Latgaliešu kultūras ziņu portāls lakuga.lv” vadeituoja,
Vineta Vilcāne

Leidzeigī roksti:

Leave a Reply