Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
LgSC Rēzeknis birojs izzinoj Latgolys viesturi

Atejūt pavasaram, kod pamozom suoc mūstīs doba i kotrā cylvākā rūnās gribiešona vairuok dorbuotīs, arī mes, LgSC Rēzeknis jaunīši, izdūmuojom palutynuot sovys acs ar kū pateikamu i nūdereigu. I, prūtams, ka myusim nav nikuo svareiguoka, kai vairuok uzzynuot par Latgolys sirdi – Rēzekni. Ituo gods 13. martā nūguojom iz Latgolys Kulturviesturis muzeju i pavadejom laiku, apsaverūt izcylūs Latgolys pūdnīku dorbus vairuoku godsymtu ritiejumā. Verūtīs kartenis i eksponatus, izzynuojom Rēzeknis viesturi nu 9. leidz 20. godu symtam.

Piečuok sovus īspaidus apsprīdem pi čaja kruškys. Koč ari mes vysi naasam nu Rēzeknis, bet atkluojom, ka daudz kū asam jau zynuojuši par piļsātu.

Vīnnūzeimeigai myusus vysus vīnuoja gribiešona byut tyvuokim i zynūšuokim par Latgolu i vysu, kas ite ir nūtics i nūteik. Pozitivu emoceju īspaidā pi čaja kruškys rūsejuos sarunys par tū, kū lobu mes nu sevis varim dūt Rēzeknei i Latgolai kūpumā.

Īsokam vysim, kurim apnykuse zīmys kasdīneiba i kam sirdī ir Latgola, nūīt iz muzeju i atrast kū sev tyvu.

LgSC Rēzeknis biroja jaunīši

Pastuosti cytim!

Leidzeigī roksti:

Leave a Reply