LgSC projekts par drūsumspieju īt iz prīšku

Kai jau viestejom, LgSC ar sadarbeibys partnerim bīdreibu „Darītājiem”, bīdreibu „Rēzeknes Augstskolas absolventu asociācija” i  bīdreibu „Dagne” februarī ir aizsuokusi projektu “Latgales jauniešu drošumspēja un pilsoniskums”. Par itū laiku asam sataisejuši naformalus seminarus Daugovpilī, Dagdā i Rēzeknē.  Apvuiceibu laikā ar Latgolys jaunīšim asam diskutiejuši par sovu lūmu pasaulī, par drūsumspieju sovu lāmumu pījemšonā, par pozitivom iniciativom. Niule nūteik ūtrs projekta pūsms – lobūs dorbu dareišona i video fiļmeišona.

Projekta dalinīki ir aicynuoti  fiļmēt video klipus i taiseit eisys kinys, kai jī saprūt terminu „sova/cytu drūsumspieja”, kai jī rauga puorvarēt sevi, atteistūt sovys prasmis, vuiceitīs dareit, vuiceitīs byut. Vysi video tiks salikti vīnuvīt i sataiseits DVD „Solis tuvāk tam, kas vēlos būt!”.

Kai mums ir guojs da šam, var redzēt itymūs video klipūs. Iz prīšku ziņuosim ari par jaunajom aktivitatem.

Projektu atbolsta „Dienvidlatgales NVO atbalsta centrs”, finansej – LR Kulturys ministreja.

 

2_DLNVOC-horz

 

 

 

Viesti sagataveja: Dagneja Bramane

Pastuosti cytim!

Leave a Reply

Your email address will not be published. Required fields are marked *

This site is protected by reCAPTCHA and the Google Privacy Policy and Terms of Service apply.