Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
LgSC nūsvietiejs jau 9. dzimšonys dīnu
Categories: info LgSC, LgSC sadzeive

Pyrmajā novembrī Jelgovā tyka svieteita “Latgolys Studentu centra” 9. pastuoviešonys jubileja. 

Tai kai itymā reizē LgSC dzimšonys dīna tyka svieteita Jelgovā, Jelgovys biroja jaunīši nu suokuma īpazeistynuoja ar piļsātu, kuru jī niu sauc par sovu sātu. Muzejā “Academia Petrina” varieja apsavērt i īpazeit Jelgovu viesturyskā škārsgrīzumā. Sv. Treisvīneibys bazneicā gidis pavadeibā varieja īpazeit na tik sanū, bet ari myusdīnu Jelgovu. Jau otkon varam saceit – cik pasauļs mozs! Ekskursejis laikā izaruodieja, ka myusu breineigajai pavodūnei pošai saknis ir nu Latgolys – Viļakys nūvoda. Ka tu esi tics leidz tūrņa pošai augšai, cīteigi īsaklausūt stuostiejumā, drūsai sevi vari saukt par Jelgovys pazinieju. Pi diploma, ka par taidim teik atzeita ari myusu grupa, tyka ari LgSC. Piec ekskursejis gūda aplis pa Mītavys tyltu puori Driksai leidz LLU Studentu klubam i atpakaļ.

Piečuok vysi sasapuļciejom “Sabiedrības integrācijas puorvaļdis” telpuos, kur paļdis juosoka Jelgovys biroja draugam Mārim Liscovam. Nu svātkūs kai jau svātkūs – daudz smīklu, jautreibys, sarunu i gords kliņgers! Šmukim i prīceigim breižim vysod ruodīs, ka ir par moz atvālātuo laika, bet ruodīs, ka vysu tūmār paspiejom – apsarunuot, apsamaineit planim, nūdzīduot kūpā ar Lauru Bicāni latgalīšu tautys dzīšmu starta komplektu i izkustynuot kuojis i pruotu kaidā atrakcejā.

Paļdis vysim, kas beja kluot i redzieja, dzierdieja, pīsadalieja!

LgSC vaļde

Pastuosti cytim!

Leidzeigī roksti:

Leave a Reply