Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
LgSC breivpruoteigī jaunīši
Categories: LgSC sadzeive

Breivpruoteigais ir cylvāks, kurīs gryb dareit sabīdreibai svareigus dorbus! 

Jau nu marta mieneša Latgolys Studentu centrs pīsadola Nūdarbynuoteibys agenturis realizētajā pasuokumā “Atbalsts jauniešu brīvprātīgajam darbam”, īsaistūt LgSC biroju dorbā kūpumā 22 jaunīšus. Pasuokuma mierkis ir veicynuot jaunīšu bezdarbnīku aktivitati sabīdreibys lobā, taidā veidā ari snīdzūt atbolstu bīdreibom i nūdybynuojumim jūs nūteiktū funkceju nūdrūšynuošonai. Pasuokums ilgs 6 mienešus.

Asom lapni i prīceigi par jaunīšim, kas gryb, paleidz i dora LgSC i leidz ar tū ari latgaliskuo lobā, deļtuo gribim ar jīm īpasazeistynuot.

Rēzeknis biroja jaunīši. Jūs moto skaņ itai: Ka īspiejai pakauss ir plyks, tod ker tū aiz buordys! 

IMG_9251

Aija Jurdža, Evita Bistrova i Sandra Dzindzuka

Daugovpiļs biroja jaunīši. Par sovu moto izraudziejuši Juoņa Magazeiņa rindys: “Ja kaut kū dori, tod dori, kuorteigi, i leidz golam!”

DSCF2129

Renārs Kancāns, Edmunds Sudniks, Baiba Raginska, Ligija Purinaša i Agnese Timofejeva

(uorpus kadra Jānis Magazeiņs i Artis Strods)

Jelgovys biroja jaunīši. Kotram jaunītim ir sovs moto, nu kurim kūpumā varātu saceit, ka jī uzskota – eists latgalīts nikod napazuss, deļtuo, ka jam nikas nav naīspiejams. Vyss nūslāpums – dareišonā i variešonā! 

bilde_029Olita Bidzāne, Evija Valaine, Anita Vespere, Gints Jurāns, Jānis Bārtuļs i Modris Martinovs

Reigys biroja jaunīši. Jūs vysu moto kūpsaucējs varātu skanēt itai: Cylvāks, ejūt pa dzeivi vīglā sūlī, var vysu, kam jis tyc!

LgSC_NVA (3 of 16)

Inese Čiževska, Jānis Papiņš, Laura Keiša i Toms Tālbergs

(uorpus kadra Rita Gruševa, Lauma Pētersone i Elīna Veismane)

Pastuosti cytim!

Leidzeigī roksti:

Leave a Reply