Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Latgolys jaunīši Lelajā tolkā kūps Dagdu
Categories: info LgSC

INFORMACEJA PRESEI

Latgolys jaunīši Lelajā tolkā kūps Dagdu

Reigā, 2009. goda 17. aprelī

Īsasaistūt Lelajā tolkā, kas 18. aprelī nūteik vysā Latvejā i cytur, bīdreiba „Latgolys Studentu centrs” sadarbeibā ar Dagdys piļsātys dūmi, Dagdys dūmis piļsātsaimisteibu, jaunīšu bīdreibu “Dagne” i Dagdys uzjiemiejim reikoj sakūpšonys tolku Dagdā. Tolkā plānoj pīsadaleit jaunīši: studenti i škoļnīki nu vysys Latgolys i cyti interesenti.

Pyrms tolkys paradzātys stopiešonys saceņseibys iz Dagdu, jūs dalinīkim ir izsludynuots latgaliski raksteitu stopiešonys stuostu konkurss.

LgSC atbolsta sovys sātys i juos apleicīnis, sovys vaļsts sakūpšonys ideju. Kotram juodalīk rūka, kab mes dzeivuotu lobuokā pasaulī. Jaunīši kūpšonai izavēlēja Dagdu, deļtuo ka tei ir vīna nu skaistuokūs Latgolys piļsātu i tī dzeivoj daudz LgSC bīdru.

Sasatikšona 18. aprelī 9:00 stuņdēs nu reita pi Dagdys piļsātys dūmis, Alejis īlā 4.

Piec tolkys Dagdys Tautys nomā paradzāts informativs seminars par latgalīšu jaunīšu aktivitatem Latgolā i cytur: Daugovpilī, Rēzeknē i Reigā. Seminarā par sovim dorbim stuosteis Dagdys jaunīšu bīdreibys “Dagne” i bīdreibys “Latgolys Studentu centrs” bīdri. Vokorā paradzāts atpyutys vokors ar daņčim i dzīsmem.

Pyrms tolkys, 17. aprelī, paradzātys stopiešonys sacenseibys iz Dagdu – studentim i cytim gorā i mīsā jaunajim. Suokums Reigā, Jelgovā, Rēzeknē i koč voi Parīzē voi Rūmā, partū ka vysi celi vad iz sātu, iz Latgolu. Itymā gadīnī – Dagdu.

Piec tolkys nūtiks stopiešonys i tolkys pīdzeivuojumu stuostu konkurss.

Kab pīsadaleitu konkursā, jaunīši aicynuoti sovus stuostus pīraksteit skaidrā latgalīšu volūdā (klaidys natiks jimtys vārā, golvonais ir stuosts i gribiešona raksteit) i īsyuteit bīdreibai „Latgolys Studentu centrs” iz e-posta adresu lgsc suneits inbox.lv. Lobuokūs stuostu autori dabuos bolvā latgalīšu autoru gruomotys, jūs stuosti tiks publiceiti latgalīšu kulturys vortalā www.lakuga.lv.

Vaira informacejis:

Linda Orole

bīdreibys „Latgolys Studentu centrs” vaļdis lūcekle

mob. t. 26389380

e-posts: linda_orole suneits yahoo.com.

Pastuosti cytim!

Leidzeigī roksti:

Leave a Reply