Latgaliski dzīduot Reigā?!

21. majā 18.30 byus jauna dzimšonys dīna. Seņ brīdynuota ideja par latgalīšu dzīdūšu dūmubīdru grupu Reigā tops eistynuota dzeivē.

Idejis autori ir bīdreibys „Latgolys Studentu centrs” jaunī ļauds. Sasadzīduošona dažaidūs pasuocīņūs, draugu kompanejuos vysod ir nūvaduse pi dūmys, ka vajadzātu īsavuiceit jaunys dzīsmis latgaliski, varbyut dareit tū nūpītnuok i reizē pasadaleit ari ar sovu dzymtūs vītu dzīšmu boguoteibu. Latgolā kotrā vītā teik dzīduotys tuos pusis dzīsmis, nu Reigā sasateik latgalīši nu vysom Latvejis molom, deļ tuo ite varātu sasatikt ari dažaidu pušu latgaliskuos dzīsmis.

Tod nu puļceņā teik aicynuots kotrs Reigys latgalīts ci gosts, kas grybātu pīsavīnuot dzīduotuojim. Mārgys i puiškini. Pīredzei navā nūzeimis, golvonais, ka ir gribiešona. Reizē vuiceisimēs, reizē atsateistēsim, reizē izzynuosim vaira. Dzīduošonu i repertuaru dasavērt ir pīkrytuse jaunuo etnomuzykologe Marta Vaivode nu Preiļu pusis. Nu suoku tys vyss tik deļ sovys prīcys i repertuara, nu varbyut ar laiku ari cytu cylvāku prīcynuošonai.

Ka ir iņteress, jem leidza sovu dzīsmi (ka ir kaida pyurā) i sasateikam 21. majā 18:30. Sasatikšona paradzāta Reigys centrā. Kur taišni? Roksti ci zvoni Edeitei edeite@lgsc.lv ci 29509672, jei Tev vysu rozstuosteis.

Razulinka2a

Pastuosti cytim!

Leave a Reply

Your email address will not be published. Required fields are marked *

This site is protected by reCAPTCHA and the Google Privacy Policy and Terms of Service apply.