Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Latgalīši i mīlesteiba

Pyrmudiņ latgalīšu rokstu volūdys kursūs uzzynuoju vairuokys jaunys lītys kai par latgalīšu rokstu volūdys pareizraksteibu, tai par latgalīšu attīceibom ar mīlesteibu.

Zynuošonys raudzeišu īvāruot iz prīšku rokstūt. I niu es rokstu i dūmu (taišni tai es dūmu navys dūdu) sovys puordūmys ari Tev. 🙂

Lobojūt kursu pasnīdziejis Muorys aizdūtū tekstu, roduos diskuseja par vaicuojumu, kai latgaliski atsazeit mīlesteibā i vyspuor, kai latgaliski apzeimuot vuordus mīlestība, mīlēt. Nui, nui, ir tak pavasars! Na tikai dobā, bet arī gaisā, sajiutuos i pruotūs. 😉

Izaruoda, ka sovulaik latgalīši sacejuši navys mīļuot, ļūbeit, bet žāluot. I vyspuor cīš nikod nav runuojuši par sovom jiutom. Vysmoz tai soka tī, kas kū naviņ ir pietejuši.

Raudzejom vaļstiski mes, kas kursūs bejom, nūlemt, kai niu byut. Pi kūpsaucieja da gola tai ari natykom – kotram pošam sovs (redz kai Aldara ols reklamātuoji ir atkūduši latgalīšu dobu!). Man jau pateik vuords mīļuot, a cytim otkon nā. Dažam ituo vaicuojuma dieļ ir pat rodušuos problemys i deļ tuo komunikacejā ar sovom ūtrajom puseitem, kurys ari īt nu Latgolys, ir izavieliejuš latvīšu literarū volūdu, kur vyss asūt skaidruoks i izaklausūt lobuok.

Maņ jau gribātūs, kab arī Tu pasadoli, ar sovom puordūmom, pīredzi itamā vaicuojumā. Bet moš taisneiba ir tim, kuri soka, ka latgalīši naizplyust garuos runuos, bet paruoda ar dorbim – žālojūt? Kai niu byut – turētīs pi seņču tradicejom voi īt iz prīšku?

Kai nazkod saceja Rainis “pastuovēs, kas puorsamaineis”.

Es par vuordu mīļuot, Latgolu i latgalīšim! Latgolai i latgalīšim byut! A Tu? 😉

Pastuosti cytim!

Leidzeigī roksti:

6 Comments to “Latgalīši i mīlesteiba”

  1. […] mentalitate, ka mes vīnkuorši narunojam par jiutom (drupeit vairuok par latgalīšim i jiutom ite) voi ari tys, ka ļauds spiej nūvērtēt tū – kai cylvākus tai lītys – , kas jim ir tikai tod, […]

  2. jureits saka:

    da – ar itū vuordu ir bejušys “problemys” 🙂
    maņ personiski nav pretenzeju pret vuordu “mīļuot”, bet tūmār izavieleju vuordu “ļūbēt”, kod nazkod vajadzie atsazeit jiutuos 🙂 “as Tevi mīļoju” puoruok jau nu “borowiski” skaņ 🙂 munai ausej tyvuoks prostais i tymā pošā laikā munupruot patīsais: “as Tevi ļūbeju!”
    visim vieleju ļūbesteibys! 🙂 Koč i A.Rancānei ari itais vuords napateik – lai jei maņ pīdūd 🙂

  3. Īva saka:

    Maņ par tū “ļūbeju” vīnmār tai jūceigi licīs. Vysod dūmōju, ka tys nu krīvim pajimts, aiz to, ka latgalīšim, vysjau ka, nav taids vōrds beis zynoms. Nu labi… kod sokom “mīlesteiba”, tod “as tevi mīlu”???:D Tys jau vairōk, kai pa čiulyskam. Tod jau latgaliskōk – “mīļoju”. Eisōk sokūt, as par “mīļoju”. Voi ari tys “žāloju”, tycūt autoram, patīšam rōdīs taids seņejōks vōrds.

    P.s. Roksty kai runoju. Pīdūdit, jo kas na tai. Vaidzātu, laikam, iz kursim nūīt.

  4. sauve saka:

    Breineigai, ka latgalīšu volūda teik lītuota :), bet kursi ari loba dzela – personeibys izaugsmei i rokstu volūdys prasmju uzlobuošonai.
    Rudinī kursi byus! Informaceja kurnaviņ latgaliskajūs portalūs i dīnrokstūs pasaruodeit, kod īs tiuļuok 😉

  5. pūramola saka:

    puorskaiteju i atguoduju – baba saceja – “ej šur, sažāluošu” – analogs čyuļu “samīļošu”…

  6. RaibiisS saka:

    pi manja soka – meiljuot-

Leave a Reply to RaibiisS