“Latgalīšu Alias” izaicynuojums
Kotrs nu myusim koč reizi ir gribiejs pīdzeivuot kaidu lītu pyrmū reizi. Ka tai ari ir Tevi, tod 26. oktobra vokora šaļts kai reizi radeita itaidai pyrmajai reizei!
18:00 byusi gaideits Tonis birojā Reigā iz kaitys “Latgalīšu Alias” saceņseibom! Pīduovuojumā pasaulī popularuo kaita viņ drupeit latgaliskuokā versejā. Pyrmū reizi!
“Kas juodora” seceiba itaida:
- Izdūmoj, ka gribi pīsadaleit i pīrunoj sovu draugu (saceņseibys pa div cylvākim komandā)
- Vālama dasasaceišona iz e-postu ortgorafeja@gmail.com ar nūruodi “Latgalīšu Alias”. Ka navari atrast puora, bet gribiešona dyžan lela – dasasoki taipat i raudzeisam atrast kompaneju iz vītys! 😉
- 26.oktobrī 18:00 īsarūn Tonis birojā (Antonejis īla 8 – 3/6, Reiga (seikuok kontaktu sadaļā)) i esi gotovs latgalisku vuordu skaidruošonai, zynuošonai, puorlīcynuošonai i eksperimentam!
Lobuokajim spālātuojim, prūtama līta, bolvys!
