Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
pa upi septembrī, īvu zīdu laikā
Categories: LgSC sadzeive

Ka Latgolys Studentu centram vajag braukt ar laivu, beja skaidrs jau pavasarī (voi ka tik na zīmā). Tok kur braukt, kai braukt, ar kū braukt, deļkuo braukt, kam braukt? Itī vaicuojumi aizjēme cīši daudz laika.

Vīna braukšona vosorā izjuka, partū ka beja vosora. Vosorā ir tik nedeļu, cik ir. I kotrai nedeļai tik vīns gols. Latvejā vosorys juosuoc planavuot jau zīmā, kab paspātu iz vysim laivu, ritiņu braucīnim, vysom ekskursejom, stopiejīnim, vysim tiergim i balaganim.

Ūtra braukšona beja dūmuota 11. i 12. septembrī pa Aivīksti nu Lubuona da Lubuonys. Rudinī tok vairs nav vosora i laika vysim vaira. Tok kas deve – rudinī, izaruod, ļauds slymoj i nūkreit gar zemi pošā atbiļdeiguokajā momentā. A tī, kas naslymoj, rūk buļbys.

Buļbys Latgolā svāta dzela. Bez buļbu tolkys, skaiti, i rudiņa nav bejs. Iz buļbu turīs vysa zynuotne, partū ka kū kuorteigs students ād? Captys buļbys! Bez Latgolys buļbu nabyutu akademiskuos dzeivis i pietnīceibys.

Lai cylvāks paieds, buļbu tolka dzeiva i laivys napalīk naīmārktys iudinī, zibineigi tika pījimts lāmums – braucam 1 dīnu i pa Maltu! Kū navar nūlemt pa godu, var nūlemt pa 1 dīnu.

Secynuojumi piec laivu braucīņa:

beja labi;

beja par eisu;

juobrauc vēļ.

Obrazeņus taisēja Ilona, kas nasabeida ni poša sleikt, ni aparatu miercēt.

Finalā samierka tikai skusts, kas nu suoku kolpuoja kai karūgs, a karjeru beidze kai greidyslupota.

Pastuosti cytim!

Leidzeigī roksti:

2 Comments to “pa upi septembrī, īvu zīdu laikā”

  1. Muora saka:

    Muns ūksts ari samierka, bet iz pādejū obrozu beja jau sauss 😀

  2. Vita saka:

    Lels paļdis/paldies Mārēnam i Ventiņam par laivom! 🙂

Leave a Reply