Kulturys ministreja apstiprynuojuse divejus LgSC projektus

2011. goda 25. novembrī Kulturys ministreja izsludynuoja konkursu „Integracejis pasuocīni 2011” pīcuos tematiskajuos jūmuos: mozuokumtauteibu kulturys i sovpateibys saglobuošona, pylsūniskuos leidzdaleibys veicynuošona, lībīšu kulturys i volūdys saglobuošona, latgalīšu rokstu volūdys nūstyprynuošona, uorzemēs dzeivojūšūs latvīšu identitatis saglobuošona. Konkursā iz vysom jūmom tyka īsnīgti 55 projektu dasacejumi, nu kurim finansiejums daškierts 13 projektim. Divejus projektus īsnīdze ari bīdreiba “Latgolys Studentu centrs” i dabuoja atbolstu obejim.

.
Konkursa tematiskajā jūmā par latgalīšu rokstu volūdys saglobuošonu pīeimamais finansiejums beja 4000 latu. Projekti, kas dabuoja finansiejumu i tiks realizāti:
Bīdreibai „Latgolys Studentu centrs” ir daškierts leidzfinansiejums 2 projektu realizacejai. Projekta „Latgaliešu kultūras ziņu portāls Lakuga.lv” mierkis ir uzlobuot i pylnveiduot vīneigū latgaliski rokstūšū medeju Lakuga.lv, padorūt tū par īteikmeigu latgalīšu rokstu volūdys izplateituoju i nūzeimeigu Latgolys kulturys nūtykumu i aktualitašu informacejis apmainis vītu Latvejis kulturys i medeju telpā. Daškiertais finansiejums – LVL 2 331,00.
.
Ūtra bīdreibys projekta „Vuiceisimēs latgalīšu rokstu volūdu!” mierkis ir paplašynuot latgalīšu rokstu volūdys pratieju lūku jaunīšu vydā, veicynuot jaunīšu interesi par regionalū kulturu, rūsynuot sevkuru izmontuot latgalīšu volūdu na viņ mutvuordu saziņā, bet ari rokstūs. Projekta laikā tiks uzlobuota latgalīšu rokstu volūdys vuiceišonys metodika i organizāti latgalīšu volūdys kursi studentim i školānim. Daškiertais finansiejums – LVL 634,00.

.

Vaira informacejis vari viertīs: http://lakuga.lv/2012/01/04/kulturys-ministrejis-konkursa-daskierti-leidzeikli-latgaliskim-projektim/
.