Jelgovys birojs i Leluo tolka

Par boltajim cimdenim i sorkonajim maisim Jelgovā…

Pavasaris – laiks, kod putneni čyvynoj, sauleite speid i pučeitis zīd.Vysa dzeivuo doba mūstuos i cylvāki lobpruotuok vairuok uzatur svaigā gaisā. Lai cik biedeigi nabyutu, lelokais „cyuka” ir i palīk cylvāks, kas vysus sovus musurus izmat dobā, taidā veidā būjojūt pavasara burveibu. Lai padareitu myusu dzimtini šmukuoku, jau kurū godu piec kuortys aprelī vysa Latveja pīsadola „Lelajā tolkā”. Ari LgSC Jelgovys biroja 7  jaunīši nabeja izjāmums.

26. aprelī, pozitivi nūskaņuoti laidomēs iz Pērnovys īlu, kur „Leluos tolkys” organizatori beja īdaliejuši objektu – dīki, kas atsarūn aiz daudzdzeivūkļu sātom. Myusim tyka izdaleiti gon cymdi, gon maisi. Dorbs nabeja vīgls, deļ tuo, ka doromuo beja daudzi i musurs beja gryuši pīejams, tūmār, radūši pīeejūt, kūpā nu kryumim i dīķa izlasejom 24 atkritumu maisus ar parostim i naparostim cylvāku izmastim prīkšmatim. Piec dažu stundu darbeņa saguruši, tok tūmār prīceigi par padareitū darbeņu, vysi kūpā guojom iz LLU Tehniskuos fakultatis organizētu „Mehu dīnu”, lai turpinuotu pozitivi īsouktū dīnu iz taidys pošys nūts.

Kai soka – lobs darbeņš, kas padareits. Lai gan tī beja tikai 24 maisi, tūmār prīks, ka ari myusim beja īspieja sakūpt mozu daleņu nu Jelgovys – sovys ūtruos sātys! Tik vysi kūpā mes varom padareit myusu Latveju šmukuoku!

Terēze Stanka,

Jelgovys biroja aktiviste

DSC_0235 DSC_0221IMG_20140426_114215DSC_0242

 

 

Pastuosti cytim!

Leave a Reply

Your email address will not be published. Required fields are marked *

This site is protected by reCAPTCHA and the Google Privacy Policy and Terms of Service apply.