Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Jaunys regionalūs biroju vadeituojis
Categories: LgSC sadzeive

Vasali!

Palnu dīnys prīceiguo viests – LgSC ir tics pi div jaunom i spareigom, vareigom regionalūs biroju vadeituojom. Anna Briška niu struoduos Rēzeknē, Edeite Husare – Reigā. Atbolstit, podturit i dzeivojit leidza!

Vēļ nav atrosts Daugovpiļa biroja vadeituojs. Lobs īt ar gaideišonu, sylts ar siļdeišonu.

Laikam krīze ar tū ari ir krīze, ka jei naļaun ļaudim atplaukt i pasaceit: es asu lobs, jemit mane. Beju gaidiejuse, ka iz itom LgSC izsludynuotojom biroju vadeituoju vītom byus leluoks konkurss. Tok voi nu Latvejā vaira nav jaunu i sabīdriski aktivu latgalīšu, voi ari jī vysi jau ir īrauti 100 i 1 dorbā i skrīšonā.

_________________________   ___  __  _

Anna i cyti riezeknīši jau sataisiejuši pyrmū latgaliskū pasuokumu – literari muzikalu vokoru LaLaDra – Latgalīts latgalīšam draugs. Vakar vokorā ļaužu ass bejs gona. Redz, kū Anna poša roksta par LaLaDra atskanem:

* Riezeknē pyrmais LaLaDra tūmier sovā ziņā ir puorspiejs leidz šam Dpils pusē reikuotūs LaLaDra. Puorspiejs ar pasuocīņa dalinīku kvantitati, daudzveideibu, koncerta kūpejū ritmiskumu itt… Dzeive īt iz augšu!  🙂

* Tūmier i ite juopīroksta Vaļuka dīnys vāruojums. Īmeslis, aiz kuo Vaļuka dīnā ir tik daudz nūskumušu cylvāku, ir vīns – par jim maņ ir skaidrs, ka jī ir tī, kuri grib kaut kū sajimt, sajimt, sajimt… kurī gaida kaut kuodu breinumu, kas jim kaut kū daškiers, daškiers, daškiers… Un sovukuort tī prīceigī ir tī, kurim ir kū dūt, ir ar kū daleitīs un kurī ari dūd i doluos! Pavysam vīnkuorši. I myusu pošu dzīsmē ir saceits: “‘Dūd Dīveņi ūtram dūt, na nu ūtra meili lyugt!”

_________________________   ___  __  _

Šudiņ Reigā, Tonis birojā, nūtyka pyrmuo saīšona. Edeite cīteigai kalendarī piļdēja aileitis, rakstēja vysaidys lobys idejis i cereibys. Jai tik vīna vajag – vaira ļaužu, kas atbaļsteitu.

Puors pierļu nu vakareišonys. Lobuokī aforismi i gabaleni.

– Varātu LgSC zinis palaist na tikai dīnrokstā i Lakugā, a Latgolys Radejā ari.
– A kas niu Latgolys Radeju voda? Kam prasiet par ziņom?
– Benedikts XVI?
– Nā, tī augšā vadeiba. Dabasūs!
– Ā, nu to vyss kuorteibā. Jis vysu atļaus, Jam vysi bārni lobi!

– Klausīs, a kas itam projektam ir vadeituojs? Tu voi es?
– Es.
– Oj, a es jau nūsabeidu.

– Reigā ir kaids krucifikss?
– … ēēē, mož Goreigajā seminārā? Kaidūs kopūs? Varbyut pi Katuoļu gimnazejis?
– Reigā vajag portativū krucifiksu! Lai var organizēt Maja dzīduojumus pi krysta.
– Pi Raiņa pīminekļa Esplanadē?
– Troka! Šlesers nūkriss. I tys… kai tū ūtru tī sauce?
– A lai kreit! Reigā vysaida besa gona!
– Krucifikss ni turku minarets. Pacīss.

________________   ___  __  _

Edeitis viestule jaunim i trokim latgalīšim.

Šudiņ Palnu dīna. Gavieņa suokums, bet varbyut ari kuo cyta suokums 🙂
Prīca Tevi pyrmū reizi uzrunuot kai Reigys LgSC aktivistu i bīdru baksteituojai 🙂

Tai kai Tev nūteikti ir kū saceit  i Tu nūteikti gribi nazkū organizēt, dorbuotīs, jimtīs, tod aicynoju gostūs iz čaju!
Vari atīt šudiņ, vari atīt reitu, vari atīt cytā dīnā.
Byusi gaideits iz pavasara dorba cielīņa ideju stuostim i īspiejamom realizacejom par tū – kū mes ite Reigā varam dareit latgaliski i latgaliskā gorā!

Varbyut Tu esi gotovs sareikuot sporta spēlis?
Varbyut padūmuot ari par dobys aizsardzeibu i kūpā atzeimuot Zemis stuņdi voi sareikuot tolku? Varbyut ir kaida vīta, iz kuru varam kūpeigi aizīt puorguojīnī i kas myusim nūteikti ir juoredz?
Varbyut esi gotovs regularai gataveit radio sižetus/ zinis par LgSC darbeibu?
Varbyut Tevi iņteresej dzīsmis, spēlis, koncerti, teatris, ailis, volūda? Ari tū vysu Tu vari dareit!
Varbyut Tev padūmā ir kaids projekts, kas taišni prosuos piec realizacejis?

Muns saroksts ir gars, i Tev nūteikti atsarostu, kū realizēt. Maņ tik juozyna, kū i kai Tu grybātu! Deļtuo aicynoju gostūs!
Iz prīšku Reigys biroja durs Antonejis īlā 8 –3/6 (ka nav kaids pasuocīņs cytā vītā) ir atvārtys:
1d 17 – 19
2d 17 – 21
3d 17 – 21
4d 17 – 20
Piec vajadzeibys i pasuocīņu dīnuos – ilguok!

Roksti: edeite i inbox.lv, zvoni: 29509672

_________________________   ___  __  _

I vēļ eisi par tyvuokā laikā gaidomim latgaliskim pasuocīnim Reigā.

24. febr. – Borowa Mc Mīlesteibys vokors Muokslys darbinīku sātā! Vaira informacejis Lakugā.

25. febr. – oficialai varātu pasludynuot par LgSC džinsuoti dzīsmuotuo folklorys kora – kūpys dzimšonys dīnu. Nui, 18:00 pyrmais miegynuojums. Atej, padzīduosim i padūmuosim, kū i kai gribam dareit iz prīšku! Tuoļuok dzīšmuota sasatikšona vysmoz reizi mienesī!

27. febr. – LgSC kūpsapuļce

Vysus breinumus kūpā salyka Ilze

Pastuosti cytim!

Leidzeigī roksti:

2 Comments to “Jaunys regionalūs biroju vadeituojis”

  1. Artis saka:

    Moloci! Tai turiet i iz prīšku!

  2. sauve saka:

    Spieceiga maiņa! 🙂
    Veiksmi dorbūs, lai daudz īdvesmys, spāka, pacīteibys i apleik aktivi, rodūši, studenti – latgalīši! 🙂

Leave a Reply