Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Īroksts nr.113 13.marta prīkšvokorā
Categories: LgSC sadzeive

Pyrmudinis vālā vokorā eimūt pa celi nu Tonis biroja garum Kongresu nomam i piečuok nu trolejbusa iz kojom sasajutu kai puorsokā – apleik apsnyguši kūki i izgaismuoti ar laternu gunim. Myužeigs skaistums! A šudiņ gaisā pavasars – putyni dzīd, saule speid, daguns saūž tū eipašū, pavasara smuordu. 🙂

Dorbuošonuos i rodūšais gors kai uzjiems apgrīzīņus ar jaunu sporu piec kūpsapuļcis, tai turpynoj ruļavuot Tonis birojā – projekti tūp, rūnās i teik eistynuotys vysaidys jaunuokus i vacuokys idejis. Juoatzeist, ka tys apstuojs ari mani, munu pruotu, sajiutys i aktivitatis.  Izaver, ka na tik maņ vīnai čakrys atsavāruš ;). Voi tys deļ pavasara gaisa, voi zīmys izaruodeišonys vysā tuos kruošņumā? Gryuts pasceit… Nazkur īškā ir sajiuta, ka daudz leluoks spāks ir apleicejim cylvākim, i puorlīceibai, ka kūpā mes varam padareit lobuoku, kruosainuoku, dažaiduoku sovu i apleicejūs kasdīnu, Latgolu, Latveju i vysu Pasauli! Nui, ak jau pi reizis ari Kosmosu i vysus Malnūs caurumus! 🙂 Varam izdareit daudz loba, kūpā varam puorkuopt malnajom sveitrom, prīcuotīs i daleitīs prīkā par dzeivis boltajom sveitrom.

Nuokušūtardiņ, 17.martā 18.00 stuņdēs  Tonis birojā byus pruota vātra , kab izkristalizātu idejis pasuokumim i aktivitatem par gūdu tam, ka pyrms 105 godim Latgolā atcēle Drukys aizlīgumu. Nuoc i dūd sovu īguļdejumu arī Tu!

Caturdiņ, 19.martā Jezupa dīna i latgalīšu muzykantu labdareibys koncerts Latgolys Radejis atspaidam. Vaira info: www.lakuga.lv, organizatori meklej paleigus iz koncerta laiku, ka vari ratavuot, roksti i dasasoki Jureišam jureits[at]madeinlatgola.lv

Sorgoj veseleibu! Itys laiks taids viļteigs – pavasars atīt, vysi juo gaidam, a zīma vēļ nagrib saprast, ka jai laiks īt pa celi…

Pastuosti cytim!

Leidzeigī roksti:

Leave a Reply