Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Internetā jauns resurss latgalīšu volūdys vuiceišonai
Categories: LgSC projekti

Latgalīšu volūdys apvuiceibai internetā izveiduots jauns resurss – sātyslopa ltgnui.com. Tei dūmuota vysim, kas soka latgalīšu volūdai “nui” aba “jā”. Jaunū resursu veidoj Oduma Mickeviča universitatis (Poznaņa) profesore Nikole Naua i bīdreiba “Latgolys Studentu centrs”.

Sātyslopā pīejami aizdavumi, materiali idejis, kas paliedz vuiceit i popularizēt latgalīšu rokstu volūdu školuos i kursūs. Publicātī materiali bezmoksys pīejami sevkuram interesentam, nūruoda Nikole Naua, atzeimojūt, ka sevkurs teik aicynuots īsyuteit ari poša veiduotūs materialus i tymūs daleitīs ar latgalīšu volūdys školuotuojim. Sātyslopā apkūpuoti ari asūšī vuiceibu leidzekli volūdys vuiceišonuos īspiejai.

Jaunais resurss ir izveiduots CoLing projekta ītvorūs, kura mierkis ir styprynuot “mozuos” volūdys – volūdys, kas nav golvonuo vaļsts volūda i kurys lītoj tikai daļa sabīdreibys. Projekts teik eistynuots nu 2018. leidz 2021. godam, tymā pīsadola augstškolys i sabīdriskuos organizacejis nu Pūlejis, Nīderlandis, Italejis, Meksikys, ASV, nu Latvejis pusis projektā pīsadola bīdreiba “Latgolys Studentu centrs”. Vaira par projektu angļu volūdā var skaiteit sātyslopā colingproject.wordpress.com.

Pastuosti cytim!

Leidzeigī roksti:

Leave a Reply