Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Info LgSC (7. apreļs)
Categories: informaceja bīdrim

Vasali!

Navarieju ilgi nūbrīst lelajam info spamam, partū ka nikuo taida, ruodīs, nav, a par seikumim var puorskaiteit www.skreine.wordpress.com i lakuga.lv

Ļauds gatavej projektus, īsnīdz, tok pagaidom nikaidu lelu rezultatu vēļ nav – projektu pīsaciejumi teik vierteiti voi ari termeni nav beigušīs.

Deļtuo ite ziņa projektu raksteituojim, kas dūmoj LgSC vuordā snīgt pīsacejumus LRAA konkursamhttp://www.lakuga.lv/lg/events/event?id=1280.
Posta zeimūgs ir 16. apreļs.
Lyudzu tūs, kas dūmoj, tok vēļ nav izataisiejuši raksteišonai i mane informeišonai 🙂 padūt ziņu, kaidus projektus taisit i dūmojit taiseit.

Byušu Tonis birojā (LgSC birojs Antonejis īlā) trešdīnēs: 8.4. i 15.4. nu kaidu 18:00 vokorā.
Ka vajag konsultacejis, ideju saspriesšonys i paroksta i zeimūga, gaideišu.
Nu 10. da 13. apreļa byušu sātā Mukulēs (Viļānu pogosts).

Izaver, ka ituos trešdīnis vokors byus veļteits volūdys apgivis projektim i idejom.
Kai ideju spriesšonai, tai naudys mekliejumim.
Ka vari i esi Reigā, atej ar sovu redzīni i idejom.

Volūdys kursi Reigā byus nu 20. apreļa.
Tīpat Latvejis Nacionalajā bibliotekā (Reigā), Barona i Elizabetis īlu styurī, – pyrmūdīnēs nu 17:00 da 20:00 da 15. juņa.
Pīsasoki i ej, īgiusti zynuošonys i pi vīna atbolsti itū Muorys i Kristīnis iniciativu. 🙂

Da 17. apreļa var īsnīgt pīsacejumus mozūs projektu konkursam Rēzeknē.
Vaira info: http://www.rezekne.lv/index.php?id=348&no_cache=1&tx_ttnews[tt_news]=1608&tx_ttnews[backPid]=70&cHash=3f3a80d916
Seviški aicynoju sasakužynuot riezeknīšus. 🙂

I da 10. apreļa var īsnīgt dorbus jaunīšu rodūšūs dorbu konkursam.
Pamudynoj sovejūs pazinis! 🙂
Info: http://www.lakuga.lv/lg/events/event?id=1273

I vēļ 1 līta – Vuolyudzānim, kas nūtiks Rēzeknē 25.aprelī, ir vajadzeiga:
a) žūreja,
b) paleigi,
c) komanda, kas pīsadalēs olimpiadē (nui, itūgod ari studenti!),
d) atbaļsteituoji.

Ka dūmoj pīsadaleit stopiejīnī iz Dagdu, obligati pyrms tam pasoki Lindai Orolei.
Info: http://www.lakuga.lv/lg/events/event?id=1289

Vaira par pasuokumim ite:

Laikam vyss.

Pastuosti cytim!

Leidzeigī roksti:

Leave a Reply