Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Fotokonkurss „Eiropa Latgalē: lobs loba namaitoj”

Ar mierki atkluot Eiropys vierteibys Latgolā ir izsludynuots fotokonkurss „Eiropa Latgalē: lobs loba namaitoj”, kur aicynuoti pīsadaleit fotografi amatīri bez vacuma rūbežu.

Fotokonkursa reikuotuoji aicynoj īsavērt Latgolā, Latgolys cylvāku dzeivē, volūdā, tradicejuos, sātā i saimē, ticeibā, dorbūs, svātkūs i nūtykumūs taidys Eiropys vierteibys kai, pīmāram, demokrateja, cylvāktīseibys, religeja i apzinis breiveiba, kulturu īcīteiba, breivais tiergs, solidaritate, lobkluojeiba i socialuo aizsardzeiba.

Vīna nu fotokonkursa idejis autorem, „Latgolys Studentu centra” vaļdis lūcekle Anna Briška soka, ka caur fotografeju ir īspiejams atkluot tuos pat eipašuos lītys i  paruodeibys, ar kurom Latgola ir unikala Eiropā, kas pīsaista vītejūs dzeivuotuojus i davalk gostus – cytu Latvejis nūvodu cylvākus, dažaidu valstu breivpruoteigūs jaunīšus, studentu apmainis dalinīkus, uzjiemiejus i c. Varbyut Latgolā ir atrūnamys taidys vierteibys, kas cytvīt Eiropā jau pazudušys?

Lai pīsadaleitu fotokonkursā, leidz 2010. goda 10. septembram fotografejis juosyuta fotokonkursa reikuotuojim digitālā veidā, eisuokuo mola vismoz 1200 pikseli) kluot dalīkūt aprokstu (kod i kur fotografeja uzjimta, kai tovupruot jei atkluoj konkursa temu „Eiropa Latgalē: lobs loba namaitoj”), kai ari zinis par autoru (vacums, dzeivis vīta i telepons). Vins autors konkursam var īsnīgt 1-3 dorbus. E-posta adress dorbu īsyuteišonai: lgsc-rezekne@inbox.lv.

Nu vysim īsyuteitajim dorbim, tiks izvirzeiti dorbi, kuri tiks īlykti bukletā i īkļauti ceļojūšajā fotoizstuodē. Konkursa dalinīku apbolvuošonys pasuokums i fotografeju izstuodis atkluošona nūtiks septembra nūgalē Rēzeknē.

Fotokonkursu reikoj EK „Europe Direct” informacejis centrs Rēzeknē sadarbeibā ar Latvejis Tierdznīceibys i ryupnīceibys kameru i bīdreibu „Latgolys Studentu centrs”.

Vairuok informacejis:

Dagneja Bramane, mob. +371 28362243, e-posts: lgsc-rezekne@inbox.lv,

Juoņs Sutins, EK „Europe Direct” informacejis centra Rēzeknē koordinators, tel. + 371 64622695.

Pastuosti cytim!

Leidzeigī roksti:

1 Comment to “Fotokonkurss „Eiropa Latgalē: lobs loba namaitoj””

Leave a Reply