Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Ekskluzivs pīduovuojums!
Categories: pasuokumi

Sveiki, vasali!

LgSC sadarbeibā ar Nacionaluo Botāniskuo duorza direktoru Andreju Svilānu pīduovoj divejus īlyugumus – kotru divejom personom iz NBD godatiergu Salaspilī 16.majā.

Kab īgiutu īlyugumu, Tev juoatbiļd pareizi iz itim vaicuojumim:

1. Kurā godā oficiali registrāta bīdreiba “Latgolys Studentu centrs”?

a) 1995

b) 2000

c) 2005

2. Kurā godā dybynuots botāniskais duorzs Salaspilī?

a) 1956

b) 1973

c) 1990

3. Cik godu ītūgod aprit nu laika, kod atcalts drukys aizlīgums Latgolā?

a) 55

b) 105

c) 115

Pareizuos atbiļdis syuti leidz 14.maja 24.00 iz e-postu: lgsc [at] inbox.lv ar nūruodi konkursam (pīroksti sovu telepona nr., kab vīgļuok sasazynuot).

Ite vēļ drupeit, kaidys īspiejis Tev pasavērs, ka veiksmeigai pīsadaleisi konkursā. Nacionalais Botāniskais duorzs Salaspilī apmaklātuojim pīduovoj:

  • leluokū augu kolekceju Baltejā i vīnu nu leluokajim dendrārejim ZA-Eiropā;
  • vīnys nu Eiropā leluokajom krystuobeļneicu, sārmyukšu, spireju, zamūs skujukūku formu, dekoratīvūs uobuļneicu i c. augu kolekcejom;
  • īrūsmis sova duorza pylnveiduošonai ar jaunim augim;
  • botānikys zynuošonys apgiut dobā;
  • vareibu palyldynuot personeigū fotoarhivu ar ekskluzivom i breineigom biļdem;
  • spieļu vītu bārnim, ārtus celeņus lisapedistim (velosipēdistiem), izjuodis ar zirgim, piknika ispiejis i c.

Nacionalū Botāniskū duorzu ir vīglai atrast i ārtai dabraukt. Īeja NBD ir pretī Salaspiļs dzeļžaceļa stacejai. Vaira info par NBD ite.

Pastuosti cytim!

Leidzeigī roksti:

Tags:

1 Comment to “Ekskluzivs pīduovuojums!”

  1. sauve saka:

    Ekspres konkurss ir nūsasliedzs i īlyugumu iz Nacionaluo Botāniskuo duorza godatiergu 16.majā īgivieji nūskaidruoti. 🙂
    Juosoka, ka atsauceiba varēja byut i leluoka…

    Pareizi i laikā iz vaicuojumim atbiļdēja Daila Pastare. Apsveicam! 🙂

    P.S. Pareizuos atbiļdis iz vaicuojumim: 1.c, 2.a, 3.b

Leave a Reply