Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Dasu bals Mežcīmā
Categories: LgSC sadzeive

Ceru, ka vosora Jiusim ir izadavuse, saule smaida i leits gluostej, sīns jau pyunē, buļbys jau zīd i vyspuor vyss īt nu rūkys. 🙂

Ka ni cytaiž, lai smaida dzaltoni moskviči i vyss kas cyts!

moskvics

Pādejuos šaļts pīduovuojums.  Spontanuos idejis. 🙂

Mežcīmā šūvokor dasu bals: sasatikšona ar dasom i pasiedeišonu. 🙂 Ap 18:00 ak jau.
Jem leidza sevi i gastiņci, a dasys i kropi nu mane (tuos, kas natyka apāstys 9. majā Tievanānu pavasarī). 🙂
Pi vīna ari nalela ideju tolka par Dzejis dīnu pasuokumim Reigā (i varbyut i Latgolā, ka sasataisom) ar nūvodu autoru pīsadaleišonu. Tū īprīkš organizēja Egita kūpā ar Vinetu, a Rakstnīku Savīneiba laipni radzātu organizejamu i iz prīšku. 🙂

dzeja_2dzeja_1
Vaira informacejis par pasuokumu i nūpītnuoka sprīsšona byus piec nedelis, tok apsarunuot cyta storpā var i niu.
Vīns gudrys, a diveji jau enciklopedeja!

Datikšonu aprakstiejuse Egita:
juobrauc ar 14. voi 18. trolejbusu da golapunktam ci ar 21. autobusu da pīturai “Hipokrāta iela”, ci ar 40. autobusu da pīturai “Kvēles iela”.

Tys ir Dambjapurva azars, parosti jū var pazeit pec strūklakys pošā vydā (dažreiz jei nasadorboj).

1) Ja brauc ar trolejbusim:
juoīt taišni iz prīkšu pa īlu, pa kuru atbrauc nu centra – gar sorkonu ķīģeļu 12 stuovu kojom (medmuosu kojis), krustuojumā (starp privātmuojom) – ari taišni īkšā, tod nuokamajā krustuojumā (kur suokās zemis ceļš) – ari taišni, cikom īrauga azaru – krosta līneja nav tik gara, lai naatrostu latgalīšu boru

2) Ja brauc ar 21. autobusu:
juopuorīt puori īlai, taišni īkšā krustuojumā – starp privātmuojom – juoīt vysu laiku taišni, cikom īrauga azaru;

3) Ja brauc ar 40. autobusu:
nav juoīt puori īlai, bet tīši nu pīturys juoīt taišni pa mozu celeņu gar privātmuojom i jaunizcaltū daudzstuovini mežā īkšā, juoizīt cauri mežam i juoīrauga azars.

Ka kas, reit ari sasatikšona.

Trešdīņ (reit) vokorā nu 17:30 Tonis birojā projektu vokors: sadolom dorbus – pādejais laiks SIF organizeitajim NVO projektu (24. juļs) i kapacitatis ceļšonys (nazkurs augusts) konkursim i KKF 2. konkursam (termeņš 3. augusts)
Seviški gaideiti projektu vadeituoji, kuru sagataveitī projekti naīgiva atbolstu īprīkšejūs SIF, KKF, LRAA konkursūs. 🙂 Varbyut kuram ir ari kas jauns.

Ka ir kaida spolvaina ideja latgaliskom aktivitatem i esi gotovs juos paceļt i panest, vari sagatavēt projekta aprokstu i īsnīgt LgSC vuordā – apsajemūt vysu projekta vadeituoja atbiļdeibu.
LRAA pavasarī īsnīdzem 7 projektus i apmāram 440 gramus papeira. Ar pacīteibu i kliņts dryup. 🙂 Divi nu jim tyka pi atbolsta – izgleitojūši seminari Sibirī i ortografejis seminars Reigā.
Par pīmāru, pavasarī KKF laikam nu 4-5 LgSC snīgtūs projektu atbaļstēja “Atzolys” i latgalīšu rokstu volūdys kursus.
Tai ka dareišonys vaine.

Ilze

Pastuosti cytim!

Leidzeigī roksti:

Leave a Reply