18. decembrī gostūs aicynoj jau tradicionalais Adventa laika La-La-Dra (Latgalīts latgalīšam draugs) pasuocīņs Raiņa sātā Berkenelē (Birkineli, Daugpiļs nūvods) ar muzykalim i literarim prīšknasumim, zeiļu kopeju i peirāgim. Pastuosti cytim!FacebookEmailPrintLeidzeigī roksti:“Taiseits Latgolā” koncerts ReigāLatvejis Avīzis roksts par latgalīšu literaturuUobeļduorzs 2011Muzykys Skrytuļs“Agruo pavasara” obrozi

Iz muzykali latgalisku nakti “Taiseits Latgolā” 9. decembrī “LMA Studentu klubā” Reigā aicynoj latgalīšu grupys “Dabasu Durovys”, “Krampis”, “Green Novice” i dzīduotuoja Laura Bicāne. Īeja klubā nu 21:00, īejis moksa iz pasuocīni 2 lati. Dabasu Durovys – pošu reizi vīna nu aktivuokojom latgalīšu grupom, kas rodusīs 2006. goda suokumā Daugpilī. “Dabasu Durovu” stilu var definēt [...]

30. novembrī 18:00 vokorā Rēzeknis piļsātys kulturys nomā, Bruoļu Skryndu īlā 3, Mozajā zālē nūtiks Rēzeknis Augstškolys (RA) tradicionalais Andrejdīnu pasuokums. Kur sevkurs interesents kūpā ar divom stjuartem var pīsadaleit i izbaudeit fantazeju ceļojumu da pīturai Andreji. Kotrā pīturā pasažeri varēs aplīcynuot sovus talantus gon dzejā, gon muzykā. Andrejdīnu pasuokuma pyrmuo daļa byus veļteita dzejis skaitejumim, [...]

„Latgolys Studentu centrs” i „Latvejis Aizsorgu organizaceja” aicynoj Tevi svinēt Latvejis dzimšonys dīnu kūpā 16. novembrī 19:00 stuņdēs LU golvonajā ākā (Raiņa bulvārī 19), 1. auditorejā. Patriotiskā nūskaņā izzynuosim vaira par Latveju, spēlēsim kaitys, byus īspieja izzynuot, kai svātku svineibom gatavejās cyti. Prīcuosimīs, ka atīsi ar sovu grūzeņu. Pasuokumu atbolsta Latvejis Universitate. Pastuosti cytim!FacebookEmailPrintLeidzeigī roksti:Latvejā [...]

Kai radzams jūku obrozā zamuok, cīši lelys zynuošonys latvīšim par Austrāleju nav. Kab itū prīškstotu maineitu, aicynojam n-tū reizi sasatikt iz stuostu ciklu „Latgalīša pādi pasaulī”, kab nakluotīnē pabyutu kaidā pasauļa molā i golā, kas 8. novembra vokorā byus Austrāleja – par sovim pīdzeivuojumim i pīredzi tymā stuosteis Daina Blažēvica. „Latgalīša pādi pasaulī” ir mieginuojums [...]

Kab īpazeistynuotu ar latgaliski rokstūšajim myusu dīnu autorim, Reigys Gruomotu svātku laikā Kongresu noma Mozajā zalā svātdiņ, 9. oktobrī, 12:30 stuņdēs nūtiks vuiceibu kinys „Latgolys kulturys montuojums” seanss i sasatikšona ar kinys taiseituojim i autorim. Vuiceibu kina „Latgolys kulturys montuojums” ir audiovizuals stuosts par taidim latgaliski rokstūšim autorim kai Ilze Sperga, Anna Rancāne, Juoņs Ryučāns, [...]

Sajiemem nu LgSC vacbīdra i aktiva dalinīka Ilzeitis Mežneicys viesti i aicynuojumu iz tolku. Ka kaidam sovā sātā dorbi apdareiti, tod itymā nedeļgolā varbyut ir ļuste aizjuot iz Ambeļu pusi! Aicinojam iz tolku-seminaru „SOLMU DĪNYS BUĻBU BLĪNIS” 25.septembrī plkst.12:00 Daugavpils nūvoda Ambeļu pogosta Putānūs visus, kuri interesējas par permakulturu i kartupeļu stateišonys citaidom metodem. Pavasarī [...]

Nu jau dasmitū reizi Viļakys nūvoda Upītē byus meilys aiļu i dzīšmu festivals. Sasatiksim 17. septembī!   Pastuosti cytim!FacebookEmailPrintLeidzeigī roksti:La-La-Dra Berkenelē“Taiseits Latgolā” koncerts ReigāMuzykys SkrytuļsSovvaļnīks ar “Boltu susātivu”Skaneigi par Viļānim i Varakļānim

Ūtardiņ, 13. septembrī, 18:00 stuņdēs Raiņa i Aspazejis sātā, Reigā, Bazneicys īlā 30, byus vīns nu ituo goda Dzejis dīnu latgaliskuokūs pasuocīņu – myusu dīnu latgalīšu dzejis vokors «Gostūs pi Raiņa». Pasuocīnī paradzāts prof. Janinys Kursītis-Pakulis stuosts «Raiņa Latgola», sovus tekstus skaiteis latgalīšu dzejnīki Juoņs Ryučāns, Valentins Lukaševičs, Emileja Kalvāne, Ilze Sperga i c. Latgalīšu vokori Reigā [...]

Šudiņ, 12.09. esi meili gaideits iz latgalīšu kinys vokoru Reigā, folkklubā “Ala pagrabs” (Smilšu īla 16, Vacreiga – natuoļ nu Pulvertūrņa), kur 21:30 pyrmū reizi plašuokai publikai Reigā tiks izruodeita itymā godā sataiseituo latgalīšu viesturiskuo melodrama “Latgolys laikadečs”. „Latgolys laikadeča” idejis autors ir tuos režisors Edgars Blinovs. I ceļš nu idejis leidz gotovai viesturiskajai melodramai, [...]

26. i 27. julī bīdreiba “Latgolys Studentu centrs” i draugu i dūmubīdru grupa “Mozuo kavalereja” paleidzēja topt skaistuokom divom vītom Latgolā – Rogovkys jaunīšu centram i Trūpu Valnakmiņam Viļānūs. Par tū, ka guoja i kai beja skaiti Mozuos kavalerejis dīnrokstā, verīs Latgolys Regionaluos televizejis sižetā i tiemej Didža Rāga karteņuos.   Mozuos kavalerejis dīnroksts 1. [...]

27. i 28. augustā „Latgolys Studentu centrs” i „Latvejis Aizsorgu organizaceja” reikoj puorguojīni Preiļu apleicīnī i aicinoj Tevi izzynuot Latveju, izbaudeit juos dobys skaistumu, īpazeit Latgolys ainovu i labi pavadiet laiku. Maršruts: Leivuoni – Preiļi – Šaripovka – Preiļi Nakšņuošona: lauku sātā, ka daudz dalinīku, tod arī teltīs. Aptuvenuos izmoksys par apskatis objektim: ~ Ls [...]

Juļa beiguos aicynom Tevi iz Viļānim, kur div dīnu garumā paradzātys gan sportiskys aktivitatis, gon lobu dorbu padareišona! 26.07. LgSC sporta spēlis, atkluošona 15:00 Aicynojom dasasaceit komandom (komandā 5 dalinīki) leidz 25.07. 15:00, piec kuo tod sajimsit apstiprynuojumu i precizuokys nūruodis par sasatikšonuos vītu! Leidza juojam ārts apgierbs sportuošonai, pierts lītys, telts i guļammaiss. *** [...]

Breineigais latgalīšu festivals “Muzykys skrytuļs” paguojs! Paļdis organizatorim par lobū dorbu i ļusteigū vokoru. LgSC Muzykys skrytulī pīsadaleja ar latgalīšu gruomotu i disku goldu, kai ari apmaklātuojim pīduovuoja dažaidys atrakcejis ar latgalisku īvirzi. Tū, kai guoja, verīs obrozūs:     Vīna nu aktivitatem beja “Atmini melodeju” – popurejā nu 15 latgalīšu dzīsmem pareizi juonūsauc dzīsmis [...]

Piec treju godu klusiešonys itymā vosorā 16.julī Daugovpiļs nūvoda Leiksnā otkon nūtiks visim tik labi īpazeitais myusu dīnu latgaliskuos muzykys festivals “Muzykys Skrytuļs”. Daleibu pasuokumā pīsacejuse popularuo grupa “Dabasu Durovys” i pādejuo laika atzeituokais latgalīšu muzykants Sovvaļnīks, kai ari „Green Novice”, „Metrs”, Eriņu-Vorkaļu saime, „Krampis”, „Inlay”, „Afterdream”, „D-Light”, kai ari vokora koncertā pīsadaleis Guntra Kuzmina, [...]

Atsasaucūt Latgolys audžusaimu bīdreibys “Muna sāta” i Latgolys školu atbolsta fonda “Veronika” aicynuojumam, “Latgolys Studentu centrs” aicynoj sevkuru itūsvātdiņ 8. majā 12 stuņdēs Reigys latvīšu bīdreibys noma Lelajā zalā iz lobdareibys koncertu “Veļtejums Muotis dīnā”, kurymā muzicēs grupa Boltī Luoči. Vysi pasuocīņa laikā savuoktī leidzekli tiks izmontuoti bārnu izzinis i atpyutis braucīnim iz Baltejis jiurys [...]

Pyrmudiņ, 18. aprelī 12 stuņdēs Rēzeknē, Rēzeknis Augstškolus Ekonomikys fakultatē (Atbreivuošonys alejā 90) tiks atkluota ceļojūšuos izstuodis “133 īspiejis lobuokai dzeivei Latvejā” ekspoziceja Latgolā.                 LgSC Rēzeknis aktivisti komandu dorbā     Sabīdreibys integracejis fonda eistynuotuo ceļojūšuo izstuode ar interaktivys ekspozicejis paleidzeibu treis dīnys (18., 19. i 20. [...]

Sastdiņ 16. aprelī 14 stuņdēs Reigā, gruomotneicā “Satori” (Luočplieša īlā 31) nūtyks Leigys Seikstys-Deksnis gruomotys-performancis  “Herbārijs aba sīna nikaida” i Valentina Lukaševiča aiļu kruojuma “Bolti burti” atvieršonys svātki. Leiga Seiksta-Deksne (1973) ir ailineica i žurnaliste, kūpā ar Oskaru Seikstu sarakstejuse romanu “Reitišku mads” (2000), juos ailis publicātys kūpkruojumā “Pagrauda”, izdavumūs “Rēzeknis Viests”, “Luna” i cytur. [...]

Trešdiņ, 13. aprelī 18:00 stuņdēs iz koncertu ETNOLATS Gertrūdis ūļneicys teatrī aicynoj JVLMA Etnomuzykologejis klasis tūpūši absolventi. Koncertā tiks apvīnuotys div spilgtys programys: Dzīduošana ir loba pamuoceiba cylvākam ci teiciejis Annys Kažys dzīšmu pyurs, kai ari dzierkstūšs Latvejis tautys vijūļnīku repertuars.                 JVLMA pyrmais Etnomuzikologejis kurss sevi spūži [...]

Reigā, 31. martā 19:00 Jūku dīnys 1. apreļa īskandynuošonai byusi gaideits sasatikt folkklubā “Ala Pagrabs” (Vacreigā, Smiļkts ūļneicā 16). Aicynojam latgalīšus i jūs draugus pi ola gluozis ci čaja kruškys pasadaleit ar smīkleigim atgadejumim iz dzievis, pastuosteit kaidu anekdotu i smeļtīs idejis 1. apreļam – Jūku dīnai, kai ari pi vysa catūrtdīnuos “Alā” ir vareiba [...]

Pārnejuo goda juņa suokumā “Latgolys Studentu centrs” Reigā atkluoja jaunu tematiskūs pasuocīņu sereju – sarunys ar latgalīšim-pasauļa apceļuotuojim “Latgalīša pādi pasaulī”. Pyrmajā tematiskajā vokorā par sovu pīredzi, dzeivojūt uorpus Latvejis, pasadaleja divi fizmati Laura i Guntis, ar kuru paleidzeibu klauseituoji varieja aizceļuot iz Vuoceju i Kazahstanu, īsapazeistūt ar breivpruoteigūs gaitom itymuos vaļstīs, ūtrā reizē septembra [...]

Tai kai par Donata dīnys tradicejom ir moz viesturisku līceibu, tod suokam nu šudiņdīnys i taisam Donata dīnys pyuru! ********************************************************************* 1) Īsuokumam – Donata dīnys himna, kam obligati ir juobyut par Donatu. Ite vītā “Jis i jī kam nav bolsa” dzīsme “Donats”: Jis i Ji Kam Nav Bolsa Donats by LgSC ********************************************************************* 2) Pyrmudīn izsludinuojom [...]

Janvara vydā ar aicynuojumu iz interveju puorsteidze Latvejis Radejis catūrtuos programys raidejuma “Latgolys vuords” redaktors Bronislavs Sprydzāns. Tod nu par Latgolys Studentu centra ituo goda planim i projektim 27. janvara raidejumā stuosteja Reigys biroja vadeituoja Edeite. Raidejumu klausīs ite: Latgolys Vuords 27.01. Paļdis Broņam par kasnedelis Latgolys stuostim vysys Latvejis radeju aparatūs! Prīca, ka pa [...]

Itymā caturtdīnā 20.janvarī 19:00 Reigā, tirdznīceibys centra “Galleria Rīga” 5. stuovā Dīnys gostu ustobā jaunīšu organizaceja “Avantis” i portals “Diena” aicynoj iz diskuseju ciklā “Domu ekspresis” – itūreiz tema “Latgalīšu spāks i tū nūslāpumi”. Diskusejā pīsadaleis Aija Eriņa – dzīduotuoja, TV šovu dalineica i uzvarātuoja, Edeite Husare – LgSC Reigys biroja vadeituoja i Aivars Līpenītis [...]

Rēzeknis Augstškola sadarbeibā ar bīdreibu “Latgolys studentu centrs” 15. janvarī reikoj pozitivuos dūmuošonys centra “Pavasara studija” seminarus. 12.00-15.00. semninars: “Es esmu savas dzīves autors”, 16.00-19.00 seminars “Nauda un bagātība”. Piec seminarim vareis nūpierkt seminara vadeituojys Inesis Prisjolkovys gruomotu “Ieelpo laimi un mīlestību” i latviski īrunuotus meditacejis diskus. Moksa par kotru seminaru – 5 Ls. Vaira [...]

Atsacerūt skaneigū koncertu “Rudiņs skanis” septembrī, bīdreiba “Latgolys Studentu centrs” aicynoj aizīt iz kaidu breineigu lobdareibys koncertu “Veļtejums…” Rēzeknē 30.decembrī 17:00 Rēzeknis Muokslys i dizaina vydsškolā, kur uzastuos, nazabeistam ituo vuorda, myusu draugi – Latgolys jaunīšu kuors “Sono Juvenis” i vokali instrumentaluo grupa “Rudiņs steigys”. Koncerta laikā tiks vuokti zīduojumi mozai meitinei Elizabetei, i tys [...]

Bīdreiba “Latgolys Studentu centrs” 17. decembrī 16:00 aicynoj iz ilgi carātū i beidzūt sareikuotū Baļtinovys amatīrteatra “Palādas” vīsizruodi Reigā – Latvejis Universitatis Humanitarūs zynuotņu fakultatē Visvalža īlā 4a, 401. ustobā (zalā, 4. stuovā). Īeja bez moksys. Izruodis garums pusūtra stuņde. Pasuocīni reikoj LU Huminitarūs zynuotņu fakultate sadarbeibā ar bīdreibu “Latgolys Studentu centrs”. Izruode nūtiks LU [...]