Vakar pēc saulis kalendera Latvejā beja Meteņa dīna, kas zeimoj pavasara atīšonu i Jauna goda suokšonūs. Bet piec katuoliskuos tradicejis, Meteni byus viņ 8. martā, deļ tuo itū šaļti vysu lobuok izmontuot pādejū zīmys prīcu baudeišonai. Jamūt īdvasmu i pīmāru nu rēzeknīšim, ari reidzinīkus LgSC aicynoj iz kūpeigu slēpuošonys vokoru! Sasatikšona ūtardiņ, 8.02. iz 17:45 [...]

Tai jau soka, ka studenti vuicūtīs div reizis godā – sesejis laikā. Paraleli vuiceibom mes – LgSC Rēzeknis nūdalis studenti – asom atroduši laiku pīsadaleit vairuokūs pasuocīņūs. Jauns gods juosuok ar jaunom, pozitivom dūmom deļ tam 15. janvārī LgSC Rēzeknis nūdale aicynova interesentus iz pozitivuos dūmuošonys centra „Pavasara studija” seminarim „Es esmu savas dzīves autors” [...]

Vasali, meilī bīdri i draugi! Lai gon decembris skaituos tīkais mieness, Adventa laiks, kas juoveļtei deļ seva, deļ dūmom, puordūmom, ir saguojs, ka tīši itys laiks studentim, Latgolys Studentu centra bīdrim i draugim ir nūtykumim i pasuokumim boguots, ka pat nav laika, acasiest i par tū pīraksteit. Šudiņ ar cytim Rēzeknis Augstškolys (RA) studentim bejom [...]

Seņuok tymsūs zīmys vokorūs meitys puļcejuos iz vakariešonom – sadzīduot i pastruoduot rūkdorbus. Runojūt par tū ūtrū – rūkdorbu dali, 14. decembrī Reigā Tonis birojā 18 stuņdēs vokorā ari Tu vari atīt i īsavuiceit kaidu jaunu omotu! Itymā reizē aukleņu, rūkassprādžu ci kaidu cytu lenteišu peišonu nu dzejs vairuokuos tehnikuos. Varbyut pi reizis vari sataiseit [...]

Paguojušā godā Vita izdūmuoja, ka 7. decembrī varātu nūsvinēt Tonis biroja vuorda svātkus i ,tai kai itei ideja ruodīs dyžan loba, tod ari itymā godā esi gaideits  Latgolys Studentu centra Reigys biroja gosts! Byus vuorda dīnys peirāgs i byus drupeit muzykalys padareišonys. Tim, kas kiere pi sirds i īsadūmuoja – tik na dzīduot!, varu mīrinuot [...]

10.novembrī plkst. 20.00 Krišjuoņa Voldemāra īlā 8-17 Rēzeknē nūtiks spielu vokors- „Ziņ voi miņ par Latveju”. Leidza juojam sovys zynuošonys par Latvejis i Latgolys geografeju, kuļturu, viesturi, nūtykumim i cylvākim! Piečuok Rēzeknis Augstškolys Sporta nomā- bals, muzicei grupa „Ginc&Es”, puorsteigumā- eipašs gosts! Bala īeja- 1 Ls, LgSC bīdrim i aktivistim īeja bez moksys, sajamūt īprīkš [...]

Kai pi svātku reizis, šudiņ pījamam apsveikumus i sveicīņus! Lels paļdis Jureišam par lobim vuordim šudiņ i dorbim daudzu godu garumā!   Jureits (Jurs Viļums) ar apsveikumu i drupeit viesturis: 2005.goda julī tyka sareikuota dybynuošonys sanuoksme, kurymā tyka pījimts lāmums oficiali registrēt bīdreibu “Latgales Studentu centrs”. 2.novembrī tyka ari oficiali izdūta registracejis aplīceiba. Pa itū [...]

Piļneigi natycami, kai skrīņ laiks, bet 2. novembrī byus bīdreibys “Latgolys Studentu centrs” oficialais pīcu godu jubilejs nu šaļts kod LgSC registrāta kai juridiska organizaceja. Itam nūtykumam par gūdu  aicynom vysus bīdrus, atbaļsteituojus i aktivistus iz drupeit svineiguoku sasatikšonu kaidā nu piļsātom! Daugovpilī 17:00 esi aicynuots iz svātku peirāgu, čaju i dzīsmem Daugovpiļs birojā Varšavys [...]

Kotrs nu myusim koč reizi ir gribiejs pīdzeivuot kaidu lītu pyrmū reizi. Ka tai ari ir Tevi, tod 26. oktobra vokora šaļts kai reizi radeita itaidai pyrmajai reizei! 18:00 byusi gaideits Tonis birojā Reigā iz kaitys “Latgalīšu Alias” saceņseibom! Pīduovuojumā pasaulī popularuo kaita viņ drupeit latgaliskuokā versejā. Pyrmū reizi! “Kas juodora” seceiba itaida: Izdūmoj, ka [...]

19. oktobrī Reigys Tehniskajā universitatē nūtyka ūtruo lekceja bīdreibys „Latgolys Studentu centrs” izsuoktajā lekceju – pīredzis stuostu cyklā, kura laikā ar sovu pīredzi i zynuošonom ar interesentim pasadola kaids latgalīts. Itymā reizē lekceju „Runys muoksla” vadeja ELVI zeimūla sabīdriskūs attīceibu vadeituoja Vineta Grigāne-Drande. Pusūtru stuņdi garajā lekcejā interesentim beja īspieja izzynuot, saprast i likt aiz [...]

Ka Latgolys Studentu centram vajag braukt ar laivu, beja skaidrs jau pavasarī (voi ka tik na zīmā). Tok kur braukt, kai braukt, ar kū braukt, deļkuo braukt, kam braukt? Itī vaicuojumi aizjēme cīši daudz laika. Vīna braukšona vosorā izjuka, partū ka beja vosora. Vosorā ir tik nedeļu, cik ir. I kotrai nedeļai tik vīns gols. [...]

Itī Jurgi ilgi gaideiti i beidzūt, sagaidūt eistū šaļti i procesu īkustynuotuoju, skreine puorsavuoc iz jaunu sātu. Iz prīšku vysu informaceji i zinis par Latgolys Studentu centra aktivitatem, pasuocīnim i nūtykumim meklej http://lgsc.lv! Kai ba seikums, bet cīši pateikams! Tovai ierteibai cytu izmaiņu nav, bet ar laiku raudzeisam jaunū sātu īkuortuot i vizuali, i saturiski [...]

10. i 11. julī LgSC reikoj zuoļu čaju tolku Mukulēs pi Viļānim. Dorbs byus svieteigs: čajus vuoksim lītuošonai zīmys sezonā – regionalajūs birojūs i suvenirim “Jezupa i Madalis linejai” (par lineji vaira skaiti: ). 10.julī suokam ap 14:00 (kod ībrauc viļcīni nu Reigys). 10. juļa programā: Čaju tolka Lauksaimnīceibys izstuode Viļāni – 2010 (tehnikys paraugdemostriejumi, [...]

Juņa suokumā “Latgolys Studentu centrs” Reigā atkluoja jaunu tematiskūs pasuocīņu sereju – sarunys ar latgalīšu pasauļa apceļuotuojim “Latgalīša pādi pasaulī”. Pyrmajā tematiskajā vokorā par sovu pīredzi dzeivojūt uorpus Latvejis pasadaleja divi fizmati i LgSC bīdri Laura Putāne i Guntis Šmaukstelis. Pyrmū “Latgalīša pādi pasaulī” vokoru kai “īsiļdeituoja” atkluoja Laura Putāne, kas sovulaik dorbuojusīs kai Latgolys [...]

. Latgalīšu literatura kluotīnē i tekstūs. Nakomercials, nagudrys i nanormali glauns pasuokums jau 4. godu piec kuortys – sovejim i sovejūs sovejim, autorim i skaiteituojim. Programa namaineiga: Pa dīnu sastdīņ tolka. Pušdīnēs buļbys, studiņs, batvini i kuopusti. Dasa juojem leidza pošam. Vokorā dzīsmis i vysaidi teksti. . . . Nakts kai nakts. Naktī guojīņs da [...]

Kotrs mes vaira ci mozuok asam pasauļa pluovi. Vysmoz vīna taida pluova stuostus Tev byus vareiba pasaklauseit 3. junī nu 18:30 Reigā, LgSC Tonis birojā! Jiusu viereiba, dāmys i kungi, Guntis Šmaukstelis ci vīnkuorši Šmikucs! Jis rozstuosteis par sovom gaitom i dzeivi treis mienešu garumā Kazahstanā, kur jis kai breivpruoteigais vuiceja angļu volūdu. Bet Kazahstana [...]

Atguodynuojumam, ka šudiņ Reigā 18:00 Pozitivūs ideju tolka! Tai kai leits šudiņdīnā ir īvīss zynomys korekcejis paradzātajā piknikā, tod pīduovuojums 18:00 sasatikt Tonis birojā i tod viertīs piec laikapstuoklim i gribeišonys – kur i kai īt piec tom. Varbyut leita vaira nabyus i speidēs saule i vys tik varēsim īt iz Viermaņduorzu, varbyut patvārumu (pīsaturūt [...]

Nūdereiga informaceja Tovam dīnys grafikam i iņteresem par Latgolys studentu aktivitatem maja ūtrā pusē! Volejbols, dzīsmis, fiļceišona, tematiskī vokori, diskusejis, pasuokumu planavuošona – tys vyss maņ, Tev i myusim vysim vēļ juopagiust majā! 19. majā Reigā: Atguodynuojums par pīduovuojumu īt spieļuot volejbolu! Šudiņ nu 18 leidz 20 Reigā, Moskovys īlā 197. Kartu i vaira informacejis [...]

Rēzeknē, ūtardiņ, 18.majā Latgolys Studentu centrs pyrmū reizi aicynoj iz diskuseju ustobu. Pasuocīņs nūtiks 20:00 stuņdēs kafejneicā „Olmāra” (Reigys īlā 1, Rēzeknē). Vokora gaitā Tev byus īspieja sasatikt ar dažaidu sferu puorstuovim i diskutēt par dažaidom temom, uzzynuot cytu ļaužu i pasaceit sovu redzīni (vīdūkli). Pyrmuos diskuseju ustobys temys: • Latgalīšu volūdys pareizraksteiba (vad. Līga [...]

Teik pīduovuota īspieja trešdīnu vokorūs kūpeigi saspieļuot volejbolu! Trešdīnuos nu 18:00 Reigys Andreja Pumpura 11. pamatškolā Moskovys īlā 197 (Latgolys prīškpiļsātā, dakliušona ar 7. tramvaju). Nūdarbeibys trenera vadeibā, moksa par vīnu reizi 1-3 LVL (atkareibā nu ļaužu skaita – kū vaira, tū mozuok juomoksoj). Ka ir ļuste, padūd zini iz edeite@inbox.lv! Suokam 19. majā i [...]

Prīca ziņuot, ka pa vydu vysim pavasara prīkim, asom ari centeigi struodovuš! Apreļa suokumā sastuodeitais dorba plans – izpiļdeits! Asom sareikavuš tematiskūs vokorus, dasadaliejuš vairuokūs pasuokumūs. I pats golvonais- jau irā gotovs i maja aktivitašu saroksts! Asit meili gaideiti! Speideigi īpierkumu maiseni, kruosainys motu rūtys, klaudzīši kūrpeišu papīdeiši pasaruoda, paspeist, pasamainuos- a vysam puori Atbreivuošonys [...]

Kab pīvārstu viereibu latviskūs tradiceju izzušonai i piļsātvidei kai ituo procesa veicynuotuojai, bīdreiba “Latgolys Studentu centrs” ituo goda 23. aprelī Reigā, Esplanadē, reikuoja rumuliešonuos “flešmobu”, aicynojūt iz kūpeigu laisteišonūs ar iudini i tai piec seņom tradicejom īzeimojūt vosorys suokumu. Jura dīna seņūs laikūs ir bejuse zemnīka goda suokums, kod suocēs jauna gonu i vosorys dorbu [...]

Lads ir sasakustiejs i jau aizguojs pa celi “Latgolys Studentu centra” Daugovpiļs birojā. Kluot pavasars i siejis laiks. Studenti i pi tam vēļ latgalīši siej pa sovam. Catūrtdiņ, 15.aprelī iz aicynuojumu sasatikt, sasapazeit i kūpeigai dūmuot par jaunim dorbim, kab Daugovpilī podturātu latgaliski studentiskū goru i ar laiku beideitu leluokus projektus i lītys, atsasauce 5 [...]

Nu marta suokuma bīdreibys „Latgolys Studentu centrs” Rēzeknis birojam ir jaunys telpys Rēzeknis Augstskūlys Sabīdriskūs attīceibu nūdaļā – Atbreivuošonys alejā 115, 313.kabinetā. Apmaklātuoju pījimšonys laiks ir pyrmdinēs, ūtardinēs, trešdinēs nu 16 da 19 stuņžu. Itymā laikā Tevi uzklauseis, izklaidēs, informēs par jaununim, padzirdeis ar čaju, pavuiceis dzeivuot voi īsaisteis kūpeiga projekta realiziešonā biroja vadeituoja Anna [...]

Latgolys Studentu centrs aicynoj Tevi atbalsteit Pasaulis Dobys fonda (starptautiski zynoms kai WWF) akceji “Zemis stuņde” i kūpeigi pīsadaleit pasuocīnī LU Dīnasta vīsneicā Tālivalža 1B Reigā ituo goda 27. martā nu 20:00 – 23:00. Zemis stuņde ir Pasaulis Dobys fonda organizeits simbolisks pasuocīņs, kura laikā uzjāmumi, pošvaļdeibys i sevkurs cylvāks vysā pasauļā iz stuņdi izslādz [...]

Vyss suocās seņ senejūs laikūs 2009. goda majā kasgadejā pasuocīnī „Latgalīšu dīna Breivdobys muzejā”. Kai i kotru godu, ari tūlaik tys puļcēja latgalīšus i cytus lobus cylvākus. Tai kai tymā reizē pasuocīni navarieja nūsaukt par cīši izadevušu, tod, eimūt iz sātu, ļauds nūlēme skumuos dūmys klīdēt ar jautrom dzīsmem i tai pa mozeišam, pa mozeišam [...]

Ituo goda 14. martā Rēzeknis Kulturys nomā nūtyka Latgalīšu kulturys Goda bolvys „Boņuks” pasnīgšonys ceremoneja, kurā tyka gūdynuoti latgalīšu kulturys darbinīki, literati, muziki, pašvaļdeibys i organizacejis par padareitū 2009. godā i tuo vydā Latgolys Studentu centrs īgiva lelū „Boņuku” nominacejā „Latgalīšu sabīdriskuo organizaceja”. LgSC bolvu itymā kategorejā īgiva jau ūtrū godu piec kuortys, par kū [...]