Ituo goda 23. novembrī LgSC Daugpiļs bīdri reikova rodušū diskuseju ”Voi Daugpilī ir vajadzeigs LgSC?”, iz kuru bie aicynuoti gon LgSC asūšī bīdri, gon vysi interesenti, kurus interesej LgSC darbeiba, miseja, mierki, vierteibys i nuokūtnis redziejums.             Vokora pyrmū dali suokom ar naformaluos izgleiteibys metožu īsapazeišonuos aktivitatem. Iz diskusejom beja atguojuš cylvāki, kas LgSC dorbojas [...]

Aiz lūga jau jiutams novembra dzastrais pīskuorīņs. Par speiti solnom, mikeleišu zīdi muoj atvodys rudiņam. Arī myusim – Latgolys Studentu Centram novembris ir īsasocs ar pateikamu otkonsasatikšonu, sarunom i čaja ritualim, kas myusim tik cīši vajadzeigi itymūs soltajūs rudiņa vokorūs. Trešdin, 2. novembrī LgSC bīdri sasatyka Rēzeknē, kab svynātu bīdreibys 6 godu jubileju. Vokora golvonuo [...]

„Latgolys Studentu centrs” i „Latvejis Aizsorgu organizaceja” aicynoj Tevi svinēt Latvejis dzimšonys dīnu kūpā 16. novembrī 19:00 stuņdēs LU golvonajā ākā (Raiņa bulvārī 19), 1. auditorejā. Patriotiskā nūskaņā izzynuosim vaira par Latveju, spēlēsim kaitys, byus īspieja izzynuot, kai svātku svineibom gatavejās cyti. Prīcuosimīs, ka atīsi ar sovu grūzeņu. Pasuokumu atbolsta Latvejis Universitate. Pastuosti cytim!FacebookEmailPrintLeidzeigī roksti:Latgalīšu [...]

Sasadorbojūt ar Rēzeknis  NVA “Latgolys Studentu centrs” pīduovoj vairuokys dorba vītys 18-24 godus jaunim Rēzeknis nūvoda jaunīšim. Ka gribi papyldynuot sovu dorba i dzeivis pīredzi ar struodošonu jaunīšu organizacejā, ka esi bez dorba i esi nu Rēzeknis nūvoda, paraugi sovus spākus kādā nu vakanču: Biroja administrators IT specialists SA vadeituojs Pasuocīņu vadeituojs Muokslinīks Fotografs Žurnalists [...]

Kab īpazeistynuotu ar latgaliski rokstūšajim myusu dīnu autorim, Reigys Gruomotu svātku laikā Kongresu noma Mozajā zalā svātdiņ, 9. oktobrī, 12:30 stuņdēs nūtiks vuiceibu kinys „Latgolys kulturys montuojums” seanss i sasatikšona ar kinys taiseituojim i autorim. Vuiceibu kina „Latgolys kulturys montuojums” ir audiovizuals stuosts par taidim latgaliski rokstūšim autorim kai Ilze Sperga, Anna Rancāne, Juoņs Ryučāns, [...]

Sveicīņs nu Rēzeknis! Rēzeknis gaisā jiutams rudiņa i jaunuo Atbreivuošonys alejis asfalta smuords. Ir atsasuocs jauns vuiceibu gods škoļnīkim, studeju gods – studentim, dorba gods školuotuojim i docātuojim. Nedelis vydā bīdreibys “Latgolys Studentu centrs” (LgSC) Rēzeknis birojs sauce studentus, škoļnīkus i cytus interesentus iz “LgSC sasavasaluošonu”. Pasuokuma laikā ar biļžu kinys paleidzeibu tyka atguodynuoti pārnuo [...]

Ūtardiņ, 13. septembrī, 18:00 stuņdēs Raiņa i Aspazejis sātā, Reigā, Bazneicys īlā 30, byus vīns nu ituo goda Dzejis dīnu latgaliskuokūs pasuocīņu – myusu dīnu latgalīšu dzejis vokors «Gostūs pi Raiņa». Pasuocīnī paradzāts prof. Janinys Kursītis-Pakulis stuosts «Raiņa Latgola», sovus tekstus skaiteis latgalīšu dzejnīki Juoņs Ryučāns, Valentins Lukaševičs, Emileja Kalvāne, Ilze Sperga i c. Latgalīšu vokori Reigā [...]

Breineigais latgalīšu festivals “Muzykys skrytuļs” paguojs! Paļdis organizatorim par lobū dorbu i ļusteigū vokoru. LgSC Muzykys skrytulī pīsadaleja ar latgalīšu gruomotu i disku goldu, kai ari apmaklātuojim pīduovuoja dažaidys atrakcejis ar latgalisku īvirzi. Tū, kai guoja, verīs obrozūs:     Vīna nu aktivitatem beja “Atmini melodeju” – popurejā nu 15 latgalīšu dzīsmem pareizi juonūsauc dzīsmis [...]

Vakar, 11. aprelī LVT1 raidejumā “Vyss nūteik” beja sižets ari par latgalīšim i Latgolys Studentu centru. Sižeta autore Eva Ikstena-Strapcāne sižeta dasacejumā soka: “Jau kādu brīdi vēroju, ka zilo ezeru zemes iedzīvotāji ir sarosījušies – latgaliešu valodai ir piešķirts savs valodas kods (LTG), elektroniskajā enciklopēdijā Wikipedia lasāmi vairāk kā 450 raksti latgaliešu valodā un arvien [...]

Bīdreiba “Latgolys Studentu centrs” nu 3. leidz 6. martam Starptautiskajā izstuožu centrā Kīpsolā gruomotu i izdevnīceibu izstuodē “Baltejis Gruomotu svātki 2011” pīduovuos plašu latgalīšu rokstu volūdā izdūtūs gruomotu kluostu, kai ari cytuos volūduos izdūtys gruomotys par Latgolu i latgalīšim. Lāmumu pīsadaleit Baltejis Gruomotu svātkūs Latgolys studenti pījāmušs piec veiksmeiguos daleibys Reigys Gruomotu svātkūs 2010. goda [...]

Tai jau soka, ka studenti vuicūtīs div reizis godā – sesejis laikā. Paraleli vuiceibom mes – LgSC Rēzeknis nūdalis studenti – asom atroduši laiku pīsadaleit vairuokūs pasuocīņūs. Jauns gods juosuok ar jaunom, pozitivom dūmom deļ tam 15. janvārī LgSC Rēzeknis nūdale aicynova interesentus iz pozitivuos dūmuošonys centra „Pavasara studija” seminarim „Es esmu savas dzīves autors” [...]

16.novembrī 18:30 esi aicynuots iz atraktivu izzinis spēli  “Ar kuojom pa muojom” par gūdu Latvejis dzimšonys dīnai. Sasatikšona Reigā pi Breiveibys pīminekļa. Atpazeišonys zeime – čaja kruška (vokori tymsi i solti, byus juorauga sasasiļdēt – dreikst atīt ari ar tukšu krušku, čajs byus! ) Vokora gaitā dažaidi vaicuojumi i atrakcejis ar viesturisku i latvisku īvirzi! [...]

10.novembrī plkst. 20.00 Krišjuoņa Voldemāra īlā 8-17 Rēzeknē nūtiks spielu vokors- „Ziņ voi miņ par Latveju”. Leidza juojam sovys zynuošonys par Latvejis i Latgolys geografeju, kuļturu, viesturi, nūtykumim i cylvākim! Piečuok Rēzeknis Augstškolys Sporta nomā- bals, muzicei grupa „Ginc&Es”, puorsteigumā- eipašs gosts! Bala īeja- 1 Ls, LgSC bīdrim i aktivistim īeja bez moksys, sajamūt īprīkš [...]

Ituos nedelis golā nu 5. leidz 7. novembrim Latgolys Studentu centrs pīsadola Reigys Gruomotu svātkūs Kongresu nomā, pīduovojū interesentim īsaguoduot daudz i dažaidys gruomotys i īrokstus nu latgalīšu literaturys i muzykys izdeviejim. Gruomotu svātku dorba laiks: 5. novembrī 11.00 – 19.00 6. novembrī 10.00 – 19.00 7. novembrī 10.00 – 16.00 Gruomotu svātku laikā 6. [...]

Piļneigi natycami, kai skrīņ laiks, bet 2. novembrī byus bīdreibys “Latgolys Studentu centrs” oficialais pīcu godu jubilejs nu šaļts kod LgSC registrāta kai juridiska organizaceja. Itam nūtykumam par gūdu  aicynom vysus bīdrus, atbaļsteituojus i aktivistus iz drupeit svineiguoku sasatikšonu kaidā nu piļsātom! Daugovpilī 17:00 esi aicynuots iz svātku peirāgu, čaju i dzīsmem Daugovpiļs birojā Varšavys [...]

21.10. 14.00 “Latgolys Studentu centra” Rēzeknis birojs Rēzeknē Atbreivuošonys alejā 115. 314. kab. aicynoj iz muzykalu latgalīšu dzīšmu pasuocīni „Leigonais kliņgers”. Sadzīdūosim vysi kūpā, vērsimīs latgalīšu dzīšmu videoklipus i vēļ, prūtama līta, čajs i kliņgers. Meili gaideiti! Pastuosti cytim!FacebookEmailPrintLeidzeigī roksti:Tykom pi sova Boņuka!Aizvadeita LgSC kūpsapuļceLa-La-Dra Berkenelē“Taiseits Latgolā” koncerts ReigāAndrejdīnys pītura Rēzeknē

Turpynojūt pīredzis stuostu i lekceju ciklu, 19. oktobrī 18:30 RTU (Reigys Tehniskuos universitatis) golvanajā sātā Kaļķu ūļņeicā 1 219. kabinetā Reigā, pīduovojom pusūtru stuņdi garu lekceju “Runys muoksla”. Lekceju vadeis zeimūla “ELVI” sabīdriskūs attīceibu vadeituoja Vineta Grigāne-Drande. Lekcejā par: Kai sasagataveit publiskai runuošonai? Kai nanūsabeit i tikt golā ar lampu drudzi? Kaidus paleigleidzekļus izmontuot? Kai [...]

Paļdis vysim, kas pīsadalieja Latgolys Studentu nedelis konkursā! Naceriejom iz tik lelu atsauceibu, bet vys tik juosoka, ka kaids ir uzvarātuojs, kaidam pasaveics mozuok. Taitod – par nedelis konkursa uzvarātuojom ir klivušs div dalineicys: Vineta Vilcāne i Zaiga Kuzminova, kas ir piļneigi pareizi atbiļdiejušs ir vysim nedelis vaicuojumim i īgivušs maksimalū punktu skaitu, kas ir [...]

Čaja konna i lobuokuo servize sagataveita – ej tik gostūs! Taitod. Šudiņ: 16:00 Zamais starts Latgolys Studentu nedeļai i gataveiba atbiļdēt iz vaicuojumim i stuosteit par studenta dzeivi Reigā i īspiejom, kū, kai i kur dareit! Tys vyss leidz pot 20:00. Bet pa vydam: Vareiba aizpiļdeit latgalīšu volūdys aizdavumu lopu – puorbaudeit sovys zynuošonys! 17:30 [...]

Izsuokūt studejis dyžanuos i augstuos školuos, eistynam studentam sātā palicieji leidza saryupej dažaidus lauku lobumus i tim, kas atbrauc iz Reigu nu Latvejis austrumu pusis, nav svešs ari taids ar mīlesteibu gataveits iedīņs kai studiņs, kū cytur saukoj par soltū gali. Latgolā studiņa pagataveišonai ir sana viesture – taipat kai braukšonai studēt iz Reigu. Itūgod [...]

Latgolys Studentu centrs pīduovoj vysim jaunajim (i varbyut na tik jaunim) studentim nu Latgolys i cytom Latvejis vītom nedeli nu 13. leidz 18. septembram aizvadeit studentiski Latgaliskā gorā! Nedelis programma: Reigā: 13. septembrī 16:00-20:00 Atvārtūs durovu piecpušdīna LgSC birojā Antonejis īlā 8-3/6 (tautā saukts par Tonis biroju). Tī variesi izzynuot par latgaliskom aktivitatem i pasuocīnim [...]

Pastuosti cytim!FacebookEmailPrintLeidzeigī roksti:

2010.goda 27.augustā Vuorkovys nūvoda Vacvuorkovys estrādē (leita gadejumā Rūžkolnu Kuļturys nomā (Rimicānūs)) pyrmū reizi nūtiks muzikali literars pasuokums -„Latgalīts Latgalīšam Draugs”, kur pīsadaleis latgalīšu literati, muzykanti i aktieri. Koncertā izastuos latgalīšu dzejnīki Valentins Lukaševičs, Juoņs Ryučāns, prozys autors Raibīs Suņs, jaunuos autores Ilze Vaivode i Anita Dzene, muzikalajā dalī – bards Daiņs Adijāns, grupys „Dabasu [...]

Ar mierki atkluot Eiropys vierteibys Latgolā ir izsludynuots fotokonkurss „Eiropa Latgalē: lobs loba namaitoj”, kur aicynuoti pīsadaleit fotografi amatīri bez vacuma rūbežu. Fotokonkursa reikuotuoji aicynoj īsavērt Latgolā, Latgolys cylvāku dzeivē, volūdā, tradicejuos, sātā i saimē, ticeibā, dorbūs, svātkūs i nūtykumūs taidys Eiropys vierteibys kai, pīmāram, demokrateja, cylvāktīseibys, religeja i apzinis breiveiba, kulturu īcīteiba, breivais tiergs, [...]

Itī Jurgi ilgi gaideiti i beidzūt, sagaidūt eistū šaļti i procesu īkustynuotuoju, skreine puorsavuoc iz jaunu sātu. Iz prīšku vysu informaceji i zinis par Latgolys Studentu centra aktivitatem, pasuocīnim i nūtykumim meklej http://lgsc.lv! Kai ba seikums, bet cīši pateikams! Tovai ierteibai cytu izmaiņu nav, bet ar laiku raudzeisam jaunū sātu īkuortuot i vizuali, i saturiski [...]

10. i 11. julī LgSC reikoj zuoļu čaju tolku Mukulēs pi Viļānim. Dorbs byus svieteigs: čajus vuoksim lītuošonai zīmys sezonā – regionalajūs birojūs i suvenirim “Jezupa i Madalis linejai” (par lineji vaira skaiti: ). 10.julī suokam ap 14:00 (kod ībrauc viļcīni nu Reigys). 10. juļa programā: Čaju tolka Lauksaimnīceibys izstuode Viļāni – 2010 (tehnikys paraugdemostriejumi, [...]

Juņa suokumā “Latgolys Studentu centrs” Reigā atkluoja jaunu tematiskūs pasuocīņu sereju – sarunys ar latgalīšu pasauļa apceļuotuojim “Latgalīša pādi pasaulī”. Pyrmajā tematiskajā vokorā par sovu pīredzi dzeivojūt uorpus Latvejis pasadaleja divi fizmati i LgSC bīdri Laura Putāne i Guntis Šmaukstelis. Pyrmū “Latgalīša pādi pasaulī” vokoru kai “īsiļdeituoja” atkluoja Laura Putāne, kas sovulaik dorbuojusīs kai Latgolys [...]