Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Atskots iz kūpsapuļci

22. februarī LgSC bīdri sasatyka Rēzeknē iz cīši svareigu pasuokumu – kūpsapuļci!

Kūsapuļcis laikā, kai jau īrosts, ar sovim padareitajim dorbim i nuokūtnis planim pasadalieja vaļde i LgSC biroji.

  • Par godu LgSC ir uzjiems 9 jaunus bīdrus: Olitu Bidzāni, Ligiju Purinašu, Baibu Raginsku, Edmundu Sudniku, Elviju Dzalbi, Lauru Melni, Agitu Vigupi, Dagniju Donāni, Guntu Nagli. Lyudzam jaunūs bīdrus, cīneit, gūduot, draudzeitīs, atrast socialajūs teiklūs, atbaļsteit īsajust LgSC bīdru vydā!

  • Taipoš par godu LgSC breivpruoteigajā dorbā  ir īsaistiejs 33 jaunīšus, asam studeju praksi nūdrūšynuojuši 7 studentim.

  • LgSC nūdaļu prezentaceju laikā Jelgovys birojs puorsteidze ar  nūdalis studentiskū goru, īkšejim pasuokumim i aizsuoktajom tradicejom. Reidzinīki beja nūslāpumaini kai jau latgalīšu mafejai pīsanuok. Daugovpiļs birojs naīsadzilinuoja seikumūs, tok stuosteja, ka latgalīšu kulturu prezentiejuši jaunīšim nu dažaidom vaļstim. Rēzeknīši beja lapni par jaunīšu seminara rezultatim i stuosteja, ka struodoj pi projektu  i dreizumā  taiseis uzleimeis ar latgalīšu izteicīnim.  Lai nu kai – vīns ir skaidrs – LgSC īt cīši kruosainai.

Prūtams, nūtyka ari jaunuos vaļdis bolsuošona.
Pēc ībolsuošonys 2014. godā LgSC vaļdis sastuovs ir: Dagneja Bramane, Kristīne Pokratniece, Renārs Kancāns, Valērijs Kušnirs, Ligija Purinaša. Pyrmuos vaļdis sēdis laikā tyka nūskaidruota ari vaļdis prīkšsādātuoja, tei ir Dagneja Bramane, juos vītneica – Ligija Purinaša.
Jaunuos vaļdis plani ir struoduot pi LgSC statutu izmaiņom, īsaisteit jaunīšus breivpruoteigajā dorbā, strudouot pi aizsuoktūs dorbu LgSC darbeibys uzlobuošonai. Par aizsuoktajim dorbim byus kaida viests ari iz prīšku. Kūpumā gribīs drūšai sacēt, ka LgSC ir Latgolys jaunīšu atbolsts  – vīta, kur izīt praksi, giut dorba prasmi, vuicētīs i byut sovejam! I tam vysam blokus – volūda i kultura.

Paļdis vysim, kuri atroda laiku i beja LgSC bīdru kūpsapuļcī!
Paļdis ari tim, kuri beja ar myusim dūmuos!

LgSC vaļde

Pastuosti cytim!

Leidzeigī roksti:

Leave a Reply