Atkluoj Štabiku!

Septembra beiguos LgSC Daugovpiļs gols aicynuoja vysus interesentus iz Štabiku – jaunū LgSC Daugovpiļs biroju. Kai zynoms – Štabiks ir paslepena sovejūs sasatikšonys vīta i vyss, kas tī nūteik, ir nūslāpums, bet itūreiz drusku pastuosteišu kai myusim guoja (nu tū, kū dreikst stuosteit cytim).

Pasuokums „ Atkluoj Štabiku”  beja pyrmais leluokais LgSC pasuokums jaunajā vuiceibu godā. Par vokoru tyka saraksteiti ustobu nūsacejumi – kai ir juoizavad, kas juodora i kas nūteikti nav juodora kotrā nu Štabika ustobom.  Pīvadumam, kuknē  ir cytim juocap blīni i juorunoj tikai atkluotys sarunys. Korydorā īeimūt, juoaizmierst kasdīna i skaļā bolsā juosoka „Vasali!”.

Kai jau Štabikā, vokora laikā, vajadzieja puorbaudeit ci tī, kuri ir atguojuši, ir pīnuoceigi Štabika bandys lūcekli. Ar dažaidu aizdavumu paleidzeibu, tyka nūskaidruoti praktyskuokī, zynūšuokī  i azartyskuokī studenti.

Pošu bandys līderi vēļ da šam beja gryuts nūsaceit, bet tyvuokajā laikā byus radzams, kurs nu vysim studentim ir leluokais „zovadzila”. Tyks apkūpuoti ari īroksti par bandys dorbim i nadorbim itymā i jaunā godā, kurus publicēsim ari ite.

Daugovpiļs birojs niu atrods sev muojvītu, pasateicūt īgiutajam finansiejumam projektā „Latgaliskuos kulturys veicynuotuojis – bīdreibys “Latgolys Studentu centrs” – atbolsts 2014. godā” Vaļsts Kulturkapitala fonda konkursā.

Mes guodojam, ka jaunuos telpys dūs spāku i bandys – kūpeiguma goru, popularizēt latgaliskū Daugovpilī.

Aicynojam vysus interesentus kotru trešdinis vokoru iz Štabiku (Reigys īlu 48-3, Daugovpilī)!

Kab „sajustu” Štabiku i myus, dalikšu kaidys bildes, par kurom navariejom nikuo nūpeļneit. Puorejūs Štabika bīdrus aicynoju atpierkt cytus vierteigūs kadrus, kab biļdis natyktu sātyslopā a video napasaruodeitu – Youtube! J

Iz sasatikšonu Daugavpilī – Dagneja

Pastuosti cytim!

Leave a Reply

Your email address will not be published. Required fields are marked *

This site is protected by reCAPTCHA and the Google Privacy Policy and Terms of Service apply.