Literarais kabare i latgalīšu kuozys Andrejdīnā
Rēzeknē byus literarais kabare i latgalīšu kuozys Andrejdīnā. 30.novembrī Rēzeknis piļsātys kulturys nomā, Bruoļu Skryndu 3, Mozajā zālē 18.00 vokora nūtiks Rēzeknis Augstškolys (RA) tradicionalais Andrejdīnu pasuokums ar literarū kabare i tradiceju izdzeivuojumu latgalīšu kuozuos.
Andrejdīnu pasuokuma pyrmuo daļa byus veļteita literarajim skaitiejumim i literarajam kabare, kurā byus īspieja baudeit dzeju Valentina Lukaševica, Raibuo Suņa, Annys Rancānis, Leigys Rundānis, Inetys Atpilis-Juganis, Oskara Seiksta i cytu dzejnīku izpiļdejumā. Ari sevkurs jaunais autors var aplīcynuot sevi, pīsadolūt literārajā kabare.
Andrejdīnu pasuokuma ūtruo daļa tiks veļteita „Kuozom Latgolā”. Projektu „Rainis, Kūkojs un kāzas Latgalē” atbaļstejs Vaļsts Kulturkapitala fonds i tam rodušīs finansiali atbaļsteituoji arī Latgolā, pīmāram, Rēzeknis nūvoda pašvaļdeiba, Nautrānu pogosts, Rēzeknis piļsātys kulturys noms, Rēzeknis Augstškola. Golvonī kuozu vaininīki — Rogovkys etnografiskais ansambļs i dramatyskuo kūpa, deju kūpa „Dziga” i „Dzigis muzykanti, kai ari sevkurs nu Jiusu, kas īlyugts dzīsmu i rūtaļu saspēlē „Kuozys Latgolā” tradicionaluo Andrejdīnys pasuokuma ītvorūs. Itamuos kuozuos akcents byus lykts iz kuozu ūtrū dīnu. Pi kuozu golda paradzāts tostu konkurss, ka esi tūs zynuotuojs, pīsadol! Ka nikod naasi teics kuozu tostu, Tu vari vēļ tū sagatavēt. Tiks nūvārtāts kai eisuokais, tai truopeiguokais, kai babenis pyurā atrosts, tai pašsacarāts tosts.
Vysa pasuokuma garumā byus īspieja dzīduot, doncuot i sajust radūšuo gora pīplyudumu. Byusim kūpā Adventa laika īskaņā!
Puorpublicāts nu: