Latgolys Studentu nedeļa. 3. vaicuojums

Šudiņ i vēļ leidz pīktdīnai (īskaitūt) pīsadoli konkursā i nedelis golā daboj čaja dzeršonys komplektu zīmai nu Latgolys Studentu centra (ka otkon byus daudzi snīga i soltuma kai īprīškejā zīmā, tod byus dyžan dereiga monta)!

Pareizū atbiļdi leidz kotrys dīnys 22:00 syuti iz ortografeja@gmail.com ar nūruodi: „LgSC konkurss”. Nedelis laikā atbiļdis iz dīnys vaicuojumim syuti nu vīna e-posta! ;)

Itymā dīnā par gūdu dzejis dīnom, kas pošu reizi nūteik Latvejā, vaicuojums ar dzejisku pīsitīni.

3.VAICUOJUMS:

Nūsauc kotra dzejūļa fragmenta autoru!

1. Kotru reitu ikvīnu
Jis bučoj iz pīris.
Dīva buča –
Vīna, ūtra, trešuo…
Dīvs smaida,
Ja cilvākveideiguo byutne
Sabučoj Jū iz lyupom.

*************************

2. Vuords vuordu sateik
Bolss bolsu sateik
I cylvākam lobuok teik

Cylvāks cylvāku sateik
Volūda sevi sateik
I pasauļam lobuok teik

Volūda pasauli sateik
Pasauļs cylvāku sateik
I Dīvam lobuok teik.

**********************

3. lai kaidūs rudiņa bolsūs runuos tovs pruots
es tova rudiņa nasabeistu.
lai kaidūs pasauļa ceļūs pagaiss tovs pruots
es tova pasauļa nasabeistu.

Pastuosti cytim!

Leave a Reply

Your email address will not be published. Required fields are marked *

This site is protected by reCAPTCHA and the Google Privacy Policy and Terms of Service apply.