Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
133 īspiejis lobuokai dzeivei Latvejā

Pyrmudiņ, 18. aprelī 12 stuņdēs Rēzeknē, Rēzeknis Augstškolus Ekonomikys fakultatē (Atbreivuošonys alejā 90) tiks atkluota ceļojūšuos izstuodis “133 īspiejis lobuokai dzeivei Latvejā” ekspoziceja Latgolā.

 

 

 

 

 

 

 

 

LgSC Rēzeknis aktivisti komandu dorbā

 

 

Sabīdreibys integracejis fonda eistynuotuo ceļojūšuo izstuode ar interaktivys ekspozicejis paleidzeibu treis dīnys (18., 19. i 20. aprelī) informēs Latgolys planavuošonys regiona īdzeivuotuojus par navalstiskūs organizaceju eistynuotajim projektim, kas sajāmuši atbolstu Eiropys Ekonomikys zonus i Norvegejis vaļdeibys divpusejuo finanšu instrumenta “NVO fonda” programys ītvorūs, kurymā tika eistynuota grantu shema treis programuos (NVO kapacitatis stiprinuošonys programa, NVO darbeibys atbolsta programa i NVO projektu programa). Vysā eistynuoti 127 Latvejis NVO 133 projekti, kuru vydā beja ari Latgolys Studentu centrs.

Ari Latgolā sevkurs ir aicynuots pīsadaleit “ideju sīnys” taiseišonā. Tei apkūpoj īdzeivuotuoju idejis, vīzejis i redzīni par navalstiskūs organizaceju lūmu pilsūniski aktivys sabīdreibys veicynuošonā, par tū, kai navalstiskuos organizacejis var snīgt realu lobumu kotra individa dzeivē, valstī i sabīdreibā, kai ari veicynuot leidz šam naaktivū mierķa grupu īsasaisteišonu navalstiskūs organizaceju darbeibā. Idejis tiks apkūpūtys nūslāguma koņferencē Reigā, 29. aprelī.

Seminara laikā Rēzeknē ar sovom prezentacejam i stuostejumu par projekta eistynuošonu pīsadaleis ari Latgolys Studentu centrs gon 18., gon 19. aprelī.

Vaira dazynuošonai: http://lsif.lv/files/pics/133idejas/Izstade_133_Iespejas_labakai_dzivei_Rezekne_1342011.pdf

 

Pastuosti cytim!

Leidzeigī roksti:

Tags:, ,

Leave a Reply